ՆՈՐ ՍԱՀՄԱՆԱԴՐՈՒԹՅԱՆ ՔՆՆԱՐԿՈՒՄՆԵՐ. Ազատամարտիկներն հետաքրքրված են սոցիալական խնդիրների լուծմամբ, իսկ երիտասարդներին հուզում է Ղարաբաղյան խնդրի վերջնական կարգավորումը

ՆՈՐ ՍԱՀՄԱՆԱԴՐՈՒԹՅԱՆ ՔՆՆԱՐԿՈՒՄՆԵՐ.

Ազատամարտիկներն հետաքրքրված են  սոցիալական խնդիրների լուծմամբ, իսկ երիտասարդներին հուզում է Ղարաբաղյան խնդրի վերջնական կարգավորումը

Սահամանադրական փոփոխությունների քնարկումները տարբեր ձևաչափերով և տարատեսակ մեկնաբանություններով մինչև հանրաքվեն, դեռ հասարակության ամենաթեժ թեմաներից է լինելու:  Դեկտեմբերի 1-ին, ՀՀ ՊՆ Սպայի տանը  կազամկերպված հավաքը, որի նախաձեռնողն էր  «Գևորգյան մարտարվեստի դպրոց» հայրենասիական-երիտասարդական կենտրոնը, առանձնանում էր հատկապես նրանով , որ դահլիճը մարդաշատ էր, իսկ քննարկմանը եկել էին  մասնակցելու  հիմնականում  ազատամարտիկներ և երիտասարդներ:

Բանախոսը՝  Աժ Արտաքին հարաբերությունների մշտական հանձնաժողովի նախագահ Արտակ Զաքարյանն էր, նա  լսարանին ներկայացրեց փոփոխություննների փաթեթը՝ ընդգծելով կառավարման խորհրադարանական մոդելի առանձնահատկությունները: ՀՀԿ-ականի համոզմամաբ, իրականում այս մոդելը այնքան էլ ձեռնտու չէ իր կուսակցությանը, քանի որ այս մոդելի պարագայում, երբ ամբողջովին գործելու է համամասնական ընտրակարգ, դժվար, գրեթե անհանարին կլինի որևէ կուսակցության մեծամասնութուն կազմել խորհրադարանում, սակայն քաղաքական դաշտի զարգացման առումով ամենաարդյունավետն է , քանի որ այսպիսով մարդիկ իրենց հուզող հարցերի պատասխանները կակընկալեն խորհրդարանում ներկայություն ունեցող քաղաքական ուժերից:

Ազատամարտիկներից մեկին հետաքրքրեց սոցիալական և առողջապահական խնդիրների լուծումը, որի ի պատասխան Արտակ Զաքարյանը հավելեց, որ սոցիալական հարցերը առաջնային են լինելու և այս փոփոխություններով պաշտապանված են լինելու հասարակության բոլոր շերտերի շահերը և խորհրդարանը առավել մեծ լծակներ է ունենալու ներազդելու կառավարության վրա, ի օգուտ սոցիալական հարցերի լուծման: «Երկրում համակարգային փոփոխություններ կատարելու ամենաիրատեսական ճանապարհը այս բարեփոխումներն են»,-նշեց  Արտակ Զաքարյանը: Իսկ երիտասարդներին հետաքրքրում էր արցախյան հիմնախնդրի կարգավորումը, որի պատասխանը հնչեց ազատամարտիկ, ԳՄԴ երիտասարդական-հայրենասիրական կենտրոնի ղեկավար Գևորգ Գևորգյանի խոսքում. «Այս նոր սահմանադրությամբ մենք մեկընդմիշտ փակում ենք համենայնդեպս մեր՝ ազատամարտիկներիս համար ամենակարևորագույն խնդիրը, Ղարաբաղի ազատագրված որոշ տարածքների փոխզիջման մասին պարբերաբար տարածվող լուրերի շահարկման հարցը, որը ինչպես տեսել և տեսնում ենք ժամանակ առ ժամանակ որոշ ուժեր փորձում են այսպիսով ընդդիմության ալիք բարձրացնել ժողովրդի մեջ, իհարկե սրանից մշտապես և բացառապես օգտվում են իրենք, ոչ թե ժողովուրդը: Մինչ այսօր ես` Գևորգ Գևորգյանս  անձամբ տարածքներ զիջելու հարցում անհանգստություն և մտահոգություն  չեմ ունեցել, քանի որ ներկայիս Զինված ուժերի գերագույն գլխավոր հրամանատարը, նախագահը ինքն ազատամարտիկ է, իր հայերնիքի համար պայքարած մարդ, և այդ հարցում հանգիստ եմ եղել երբևէ չմտածելով, որ կարող է մի թիզ հող անգամ զիջվել…. Եթե շարունակենք կիսանախագահական համակարգով, ապա ես անձամբ վստահ չեմ, թե իրականում տարածքներ կզիջվեն թե ոչ, որովհետև ես չգիտեմ ով է լինելու երկրի հաջորդ նախագահը…ես սա ասում եմ, որպես ազատամարտիկ, իսկ Արցախյան ազատամարտը մեր զոհված ընկերների շիրմներն են, այդ ազատամամարտը մեր ազգային միասնության ամենալուսավոր էջերից մեկն է»:

Հանդիպման ավարտին մենք փորձեցինք պարզել, թե ինչ ռեսուրսներ է գործադրել ազատամարտիկ Գևորգ Գևորգյանը, մարդաշատ լսարան ապահովելու գործում, նա պատասխանեց. «Հարգանքի, մենք մարդկանց ուղարկել էինք հրավեր մասնակցելու քննարկմանը, մարդիկ էլ հարգելով եկել են,  հրավիրվածներից միայն 11 հոգի ներկա չէին, քանի որ այդ մարդկանց առավել հետաքրքրական էր  դեբատների, բանավեճերի ձևաչափը»:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝