«ԲԼՅՈՒԶԻ ԾԱԳՈՂ ԱՍՏՂ» ԲԵՆ ՓՈՒԼԸ ԽՈՍՏԱՆՈՒՄ Է ԵՐԵՎԱՆՈՒՄ «ԱՂՄՈՒԿ» ՀԱՆԵԼ
Արխիվ 12-16
«ԲԼՅՈՒԶԻ ԾԱԳՈՂ ԱՍՏՂ» ԲԵՆ ՓՈՒԼԸ ԽՈՍՏԱՆՈՒՄ Է ԵՐԵՎԱՆՈՒՄ «ԱՂՄՈՒԿ» ՀԱՆԵԼ
Բրիտանական ժամանակակից բլյուզ- ռոքի վառ ներկայացուցիչ ԲԵՆ ՓՈՒԼԸ եւ իր Բենդը երկու համերգով հանդես կգան Երեւանում: Համերգներն անցկացվում են Բլյուզի հայկական ասոցիացիայի աջակցությամբ: Նախատեսված է նաեւ արդեն ավանդույթ դարձած եւ հայ երաժշտասեր հանրության կողմից սպասված համատեղ նվագակցություն հայ երաժիշտների հետ: Սակայն Բլյուզի հայկական ասոցիացիայի նախագահ Վահան Դանիելյանը չբացահայտեց, թե հայ երաժշիտներից կոնկրետ ովքեր հանդես կգան Բ. Փուլի հետ.«Սա անակնկալ է, որը կբացահայտվի վաղը»,-նշեց Վ. ԴԱՆԻԵԼՅԱՆԸ:
Չնայած իր երիտասարդ տարիքին Բեն Փուլը արդեն հայտնի է Եվրոպայում եւ Ամերիկայում: Նրա կատարողական ոճը իր մեջ համախմբում է տարբերի ոճերի համակցություն: Անձամբ երաժիշտն ուրախ է Հայաստան գալու համար, իսկ հայ հանդիսատեսին խոստանում է նվագել եւ «աղմուկ» հանել.«Նախկինում Հայաստանում չեմ եղել եւ այստեղ եմ եկել Բլյուզի հայկական ասոցիացիայի նախագահի շնորհիվ: Մեծ ցանկություն ունեմ նվագել հայ երաժիշտների հետ եւ ճանաչել նրանց: Բլյուզն ինձ համար հոգուց եկող երաժշտություն է: Այն շատ երկրային ու մարդամոտ երաժշտություն է, որը գալի է մարդու սրտից, այլ ոչ թե գլխից»,-նշեց ԲԵՆ ՓՈՒԼԸ:
Բենը կիթառ է նվագում 9 տարեկանից, իսկ 12-13-ից սկսած տարվել է բլյուզով: Նա յուրաքանչյուր տարի իր բենդի հետ տասնյակ համերգներ է ունենում Եվրոպայում եւ ամբողջ աշխարհում: Մի շարք հեղինակավոր ամսագրեր նրան տվել են «Բլյուզի ծագող աստղ», «բրիտանական բլյուզի նոր առաջնորդ» կամ պարզապես «հաջորդ Ջո Բոնամասա» անունները:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
17400 դիտում
2
10999 դիտում
3
2291 դիտում
4
2141 դիտում
5
1517 դիտում
1
17623 դիտում
4
8026 դիտում
5
4086 դիտում
4
8257 դիտում
