Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

‹‹ՈՉ››-Ի ԿՈՂՄՆԱԿԻՑ. ‹‹Ինչպես հանրահավաքներն են շոուի վերածում, այնպես էլ հանրաքվեն կվերածեն շոուի

Արխիվ 12-16

‹‹ՈՉ››-Ի ԿՈՂՄՆԱԿԻՑ. ‹‹Ինչպես հանրահավաքներն են


շոուի վերածում, այնպես էլ հանրաքվեն կվերածեն շոուի››


 

‹‹Որպես  ՀՀ քաղաքացի նոր սահմանադրության շատ կետերի հետ համաձայն չեմ: Սակայն պետք է նշեմ, որ վերջին ժամանակներս  և′ ‹‹Ոչ››-ի և′ ‹‹Այո››-ի  քարոզիչները ոչ մի լուրջ, կոնստրուկտիվ առաջարկներ չեն անում››: Անդրադառնալով դեկտեմբերի 1-ի ‹‹Ոչ››-ի հանրահավաքին, ասել է «Հանուն օրենքի» հասարակական շարժման համակարգող խմբի անդամ, քաղաքագետ Արման Ղուկասյանը իր ֆեյսբուքյան էջում:

‹‹Ոչ››-ական լինելով, նա տեսնում է, որ այդ ճակատը ներկայացնում են մարդիկ, որոնց նկատմամբ մարդիկ վստահություն չունեն. ‹‹Եթե այդ մարդիկ են ներկայացնում, ղեկավարում ‹‹ոչ››-ի ճակատը, ապա ‹‹այո››-ն հաստատ արդեն անցել է: Ինչպես հանրահավաքներն են նրանք շոուի վերածում, այնպես էլ հանրաքվեն կվերածեն անհաջող շոուի››:

Քաղաքագետի կարծիքով` հանրաքվեի ընթացքում  չի լինի այն ակտիվությունը, որին սպասում են շատերը, որովհետև այս օրերի ընթացքում քարոզարշավը, ինչպես նաև երեկվա հանրահավաքը շոուից ոչնչով չտարբերվեց:

‹‹Երեկ հանրահավաքի մասնակիցները ցանկանում էին ՀՀԿ գրասենյակի դիմաց ծաղկեպսակներ տեղադրել և դա անում էին այն մարդիկ, որնոք այդ ‹‹ծաղկեպսակների կրողները›› պետք է լինեն քաղաքական դաշտում: Մենք լավ հիշում ենք, թե ժամանակին նույն Րաֆֆի Հովհաննիսյանն ինչպես  մարդկանց մի քանի անգամ հանեց փողոց և չկարողացավ տարրական պայքարը տանել միչև վերջ, հասցնել իր տրամաբանական ավարտին: Այդ մարդիկ մարդկանց ամեն անգամ հանում են փողոց սեփական քաղաքական PR-ի համար, որպեսզի քաղաքական դիվիդենտներ շահեն, այնուհետև, մարդկանց հուսահատ անելով, ուղղարկում են տուն: Կարծում եմ` դա ժողովուրդը չի մոռացել››,- նկատեց Ա. Ղուկասյանը:

Ըստ նրա, կան մարդիկ, որոնք հույսները կորցրած ուղղակի գնում են այդ հանրահավաքներին, սակայն որևէ մեկը մեծ ակնկալիքներ չունի այդ ամենից:

‹‹Կարծում եմ` Հայաստանում նոր ուժի ձևավորման արգելքը ոչ թե իշխանությունն է դնում,  այլ` ‹‹ընդդիմությունը››: Ինքս ունեմ երիտասարդ, ակտիվ շատ ծանոթներ. Որոնք սկզբում ցանկություն ունեին փոխոց դուրս գալու և պայքարելու իրենց ոչ-ի համար, սակայն այս քաղաքական ցիրկից հետո, նրանք այժմ չեն ցանկանում իրենց անունները կապել վաղուց մոռացված քաղաքական գործիչների հետ››,- ավելացրեց նա:

Անդրադառնալով սահմանադրական բարեփոխումներին` քաղաքագետը նշեց, որ շատ կետերի հետ համաձայն չի և բնականաբար դեմ է քվեարկելու փարեփոխումներին. ‹‹Ես այո կասեի այն ժամանակ, երբ այդ  կետերը փոփոխման ենթարկվեին և  հստակեցվեին››, եզրափակեց Ա. Ղուկասյանը:

 


 

 

 

Հավանեցի՞ր հոդվածը, կիսվիր ընկերներիդ հետ