ՌԴ-ԹՈՒՐՔԻԱ ՀԱՐԱԲԵՐՈՒԹՅՈՒՆԻՑ ՀԱՅԱՍՏԱՆՈՒՄ ՌԱԶՄԱԿԱՆ ԶԱՐԳԱՑՈՒՄՆԵՐ ՉԵՆ ԼԻՆԻ
Արխիվ 12-16
ՌԴ-ԹՈՒՐՔԻԱ ՀԱՐԱԲԵՐՈՒԹՅՈՒՆԻՑ ՀԱՅԱՍՏԱՆՈՒՄ
ՌԱԶՄԱԿԱՆ ԶԱՐԳԱՑՈՒՄՆԵՐ ՉԵՆ ԼԻՆԻ
<Մեդիա կենտրոն>-ում կայացած ասուլիսի ընթացքում ԱԺ Արտաքին հարաբերությունների մշտական հանձնաժողովի նախագահ Արտակ Զաքարյանը ռուս-թուրքական հարաբերությունների հետ կապված ասաց, որ երբեք էլ չի բացառվել լարված հարաբերություն ՌԴ-ի եւ Թուրքիայի միջեւ: «Ռուսաստանի եւ Թուրքիայի միջեւ ռազմական բախումներ չեն լինի, բայց լարվածությունը կպահպանվի երկու երկրների միջեւ: Մեր շահերի դեմ ուղղված գործողություններ դեռեւս չկան, չկան նաեւ հայ-թուրքական հարաբերություններ: Որպես ՀԱՊԿ-ի անդամ` իհարկե պարտավորություն ունենք, բայց գործողություններն էլ այնպիսի չեն, որ մենք միջամտենք»,- ասաց Զաքարյանը:
Ինչ պետք է անի Հայաստանը` խուսափելու հետագա բախումներից: Պաշտպանության նախկին նախարար, ասուլիսի մասնակից Վաղարշակ Հարությունյանը կարծում է, որ Հայաստանում ռազմական զարգացումներ չեն լինի:
«Ռուս-թուրքական հարաբերություններում Հայաստանը ներքաշված չէ, հետեւաբար ճիշտ է անում ԱԳՆ-ը, երբ որեւէ հայտարարություն չի անում խոցված ռուսական ինքնաթիռի համար»,- կայացած ասուլիսում, որպես երրորդ բանախոս ասաց նախկին ԱԳ նախարար, պատգամավոր Ալեքսանդր Արզումանյանը:
Նրա խոսքով` պատերազմ չի լինի ՌԴ-ի եւ Թուրքիայի միջեւ. սա ավելի շատ PR պատերազմ է: «Սա իրականում ՌԴ-ՆԱՏՕ առճակատումն է: Մեր մասնակցությունը պետք է ձեւված, չափված պետք է լինի: Ռուսաստանին փորձում են ստիպել, շողուլի բերել, որ նա առաջնորդվի միջազգային կոալցիայի կանոններով` ազատվի ԻԼԻՊ-ից, ոչ թե Սիրիայում աջ ու ձախ խփի»,- ասաց Արզումանյանը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
16957 դիտում
2
10901 դիտում
3
2287 դիտում
4
2141 դիտում
5
1508 դիտում
1
17623 դիտում
4
8026 դիտում
5
4056 դիտում
4
8257 դիտում
