Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ԽՄԵՆՔ «ՈՉ»-Ի ՎԱՌ ՀԻՇԱՏԱԿԻ ԿԵՆԱՑԸ

Արխիվ 12-16

ԽՄԵՆՔ «ՈՉ»-Ի ՎԱՌ ՀԻՇԱՏԱԿԻ ԿԵՆԱՑԸ

 

Սահմանադրական բարեփոխումների «այո» եւ «ոչ»-ի քարոզարշավի կենացները քաղցրանում են: Իսկ որտեղ օղի ու կենաց, այնտեղ էլ երգիչ, երգահան Ռուբեն Հախվերդյանը` իր սիրված ու գրական երգերով, բայց սխտոր կերած բերանով ու ուշունցներով: Եվ ահա, Ռ. Հախվերդյանը, ով ժամանակին անգամ Մաշտոցի պուրակի համար պայքարող բնապահպաններին պատրաստ էր միանալ միայն այն դեպքում, երբ երկու շիշ օղի կապահովեն, հիմա դարձել է «գաղափարական» պայքարող ու ընկել «մեյդան»: Չէ, հարցն ամենեւին էլ այն չէ, թե «այո» կամ «ոչ» կողմնորոշում ունի պարոն արվեստագետը, այլ այն, թե ինչ միջոցներով են իրենցով արել «ոչ»-ականները նրան: Ու, վերջիվերջո, հույսներն ո՞ւմ վրա են դրել: Իսկ կա՞ մեկը, ում համար գաղտնիք չէ, որ Ռ. Հախվերդյանը, ով այսօր հայհոյում է իշխանություններին, բոլոր իշխանական կերակրատաշտերից էլ օգտվել է ու դեռ կօգտվի: Էլ չասենք, որ բոլոր քաղաքական ուժերի հնարավոր բոլոր խողովակներով էլ սնվել է:

Հիշեցնենք, որ երգահանը ժամանակին դաշնակցականների մասին էր կենացներ երգում, ապա ախորժակ էր պահել նաեւ ԲՀԿ-ում լինելու համար: Երեւանի ավագանու ընտրությունների ժամանակ, երբեմնի սիրված երգահանը «Բարեւ, Երեւանի» գրկից սահուն թռիչք կատարեց դեպի «Բարգավաճ Հայաստան»: Այնպես որ, Գնդլիկ բոքոնիկի ռազմավարությամբ ճկուն Հախվերդյանը հնարավոր է մինչեւ դեկտեմբերի 6-ը մի կենացով էլ «այո» ասի սահմանադրական բարեփոխումներին: Հետեւաբար, պետք չէ սարքել հերոսություն, թե տեսեք-տեսեք, ո՞վ է միացել «ոչ»-ին, մի տեսակ անհույս պատրանք է դառնում «ոչ»-ի կողմնակիցների համար: Թեպետ, ի՞նչ մեղադրես, երբ իրեն ամենաոչ համարող «Նոր Հայաստան» փրկության ճակատում չկա մեկը, ում հետեւից կարող էր գնալ հանրությունը, ուստի` գրեթե անհրաժեշտություն էր գտնել Ռ. Հախվերդյանին ու փոխադարձ շահավետ «գործարք» կազմել. դու արի, ինչ ուզում ես խոսի, ժողովրդին հավաքի մեր շուրջը, իսկ քեզ կհասնի հերթական օղու շիշը: Ու այդ ժամանակ, անգամ կարող ես խմել «ոչ»-ի վառ հիշատակի կենացը:


Կույտը մշակեց ՀՐԱՆՏ ՍԱՐԱՖՅԱՆԸ

Հավանեցի՞ր հոդվածը, կիսվիր ընկերներիդ հետ