ԱՄԱՆՈՐՅԱ ՄԱՆԿԱԿԱՆ ՆԵՐԿԱՅԱՑՈՒՄ՝ "ԿԱԽԱՐԴԱԿԱՆ ՍՐՎԱԿ"

ԱՄԱՆՈՐՅԱ ՄԱՆԿԱԿԱՆ ՆԵՐԿԱՅԱՑՈՒՄ՝ "ԿԱԽԱՐԴԱԿԱՆ ՍՐՎԱԿ"

Art comedy թատերախումբը "Կախարդական սրվակը"  զվարճալի-ուսուցողական  ներկայացմամբ  որոշել է գունավերել փոքրիկների օրը: Այդ մասին "Իրավունքի" հետ զրույցում ասաց թատերախմբի գեղարվեստական ղեկավար Անահիտ Թոփուզյանը, շեշտելով, որ ներկայացումը տեղի կունենա 2016 թվականի հունվարի 7-ին՝ ԵԹԿՊԻ-ի Ուսանողական թատրոնի բեմում: "Art comedy թատերախումբը  իր սկիզբը մեկնարկել է դեռ 2014-ին: Թիմը հիմնվել է բացառապես երիտասարդների ջանքերով, թիմում բոլորս երիտասարդներ ենք: Այսօր շատ քիչ են ստեղծվում մշակութային արժեքներ, թերեւս մեր թատերախումբը փորձում է ստեղծել եւ ստեղծագործել հանուն բարձր մշակութային արժեքների: Մենք հանդես ենք եկել բազում ներկայացումներով, տարբեր թատրոններում, ինչպիսին են՝ Հակոբ Պարոնյանի անվան թատրոնի փոքր բեմը, Սոս Սարգսյանի անվան համազգային թատրոնը, մենք մեր ներկայացումներով բախտ ենք ունեցել շրջելու Հայաստանի մարզերով": Թատերախումբը ամենապահանջկոտ հանդիսատեսին գոհացնելու փորձառություն ունի, Եվգենի Շվարցի ՛՛Երկու թխկենի՛՛ համանուն ստեղծագործության հիման վրա հեքիաթը թատերախումբը արդեն հանձնել է փոքրիկ հանդիսատերի դատին: Անահիտ Թոփուզյանը խոսեց նաեւ դժվարությունների մասին, որոնք հաղթահարել են առանց ընկճվելու."Մեր թիմում հանդես են գալիս բացառապես մասնագետ երիտասարդներ: Ինչպես յուրաքանչյուր երիտասարդական թիմ այդպես էլ մենք ունեինք դժվարություններ, բայց մեզ օգնության ձեռք մեկնողներ գտնվեցին: Մեզ աջակից հանդիսացավ Gayluk.am կազմակերպությունը, որոնք ևս ունեն անակնկալ մեր ամենապահանջկոտ հանդիսատեսի համար: Բոլորիդ մեծ սիրով սպասում ենք",-նշեց թատերախմբի գեղարվեստական ղեկավարը:

ՔՐԻՍՏԻՆԵ ՊԵՏՐՈՍՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝