Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

«ԱՐԹՈՒՐ ԲԱՂԴԱՍԱՐՅԱՆՆ ԻՄ ԱԽՊԵՐՆ Է, ԲԱՅՑ...». ՕԵԿ-ԱԿԱՆ ԳՅՈՒՂԱՊԵՏԸ «ԱՅՈ» Է ԱՍՈՒՄ ՍԱՀՄԱՆԱԴՐՈՒԹՅԱՆԸ

Արխիվ 12-16

«ԱՐԹՈՒՐ ԲԱՂԴԱՍԱՐՅԱՆՆ ԻՄ ԱԽՊԵՐՆ Է, ԲԱՅՑ...».

ՕԵԿ-ԱԿԱՆ ԳՅՈՒՂԱՊԵՏԸ «ԱՅՈ» Է ԱՍՈՒՄ

ՍԱՀՄԱՆԱԴՐՈՒԹՅԱՆԸ

 

Շիրակի մարզի Փանիկ գյուղի գյուղապետ Հրաչիկ Սալնազարյանից «Իրավունք»-ը պարզեց` ի՞նչ համայնքի բնակիչները  կողմ են, թե՞ դեմ նոր սահմանադրության նախագծին: « 60%-անոց «այո»»,-ասաց գյուղապետը:

«40%-անոց էլ` «ո՞չ»:

- Դե միշտ էլ էդպես կլինի:

- Ինչո՞ւ են Փանիկ համայնքի բնակիչները «այո» ասում սահմանադրությանը:

- Բարեփոխումներին ծանոթացել են, հասկացել են` ինչ-որ բան կարելի է փոխել: Դրա համար  60%-ն «այո» է ասելու:

- Իսկ  փանիկցիներն ընթերցե՞լ են  սահմանադրական բարեփոխումների նախագիծը:

- Լրիվ: Կրթված մարդիկ են մեզ մոտ բոլորը: Բոլորի ձեռքում էլ կա նախագիծը: Տարել եմ դրել եմ խաղասենյակում:

- Խոսվում է այն մասին, որ «Այո» են ասում սահմանադրության նոր նախագծին, քանի որ ինչ-ինչ ճնշումներ կան:

- Չէ: Սա այն գյուղն է, որտեղ պարտադրել հնարավոր չէ:

- Իսկ սահմանադրական բարեփոխումներին դեմ եղողներն ինչո՞ւ են «ոչ» ասում նոր սահմանադրությանը:

- «Ոչ» ասողներ դեռ կոմունիստների, Լեւոն Տեր-Պետրոսյանի  ժամանակ էլ  կային:

- Փաստորեն, ընդդիմությունն ակտիվ է ձեր համայնքում:

- Չէ, չէ: Մեր գյուղում այդքան ընդդիմություն չկա:

- Ըստ Ձեզ` ի՞նչ է փոխվելու նոր սահմանադրության  ընդունվելու դեպքում:

- Հուսանք` բարեփոխումներով բարեփոխումներ կլինեն:

- Դուք  ՕԵԿ անդամ եք, ինչպե՞ս եք «այո» ասում սահմանադրությանը:

- Հետո ինչ, որ ես ՕԵԿ անդամ եմ: Արթուր Բաղդասարյանն իմ լավ ախպերն է:

- Բայց  ՕԵԿ-ն ասում է«ոչ» սահմանադրական բարեփոխումներին:

- Իմ կուսակցությունը չի կարող «ոչ» ասել: Լավ, սպասե՛ք, ես ձեզ ասեմ: Իմ կուսակցությունը կարող է «ոչ» ասել, բայց Փանիկի գյուղապետը «այո» կասի նոր սահմանադրությանը:


ՍՈՆԱ ԴԱՎԹՅԱՆ

 

Հավանեցի՞ր հոդվածը, կիսվիր ընկերներիդ հետ