ՀԱՆՑԱՎՈՐ ԽՄԲԻ ՄՈՏ ՀԱՅՏՆԱԲԵՐՎԵԼ Է 12 ՀԱԶԱՐ ԴՈԼԱՐ ԵՒ 4000 ԵՎՐՈ
Արխիվ 12-16
ՀԱՆՑԱՎՈՐ ԽՄԲԻ ՄՈՏ ՀԱՅՏՆԱԲԵՐՎԵԼ Է 12 ՀԱԶԱՐ
ԴՈԼԱՐ ԵՒ 4000 ԵՎՐՈ
Iravunk.com-ի ունեցած տեղեկություններով օրերս ԱԱԾ-ի կողմից վնասազերծված հանցավոր խմբի մոտ հայտնաբերվել է 12 հազար դոլոր եւ 4000 եվրո: Թե որտեղից եւ ինչ նպատակով է այդ գումարը հանցավոր խմբի մոտ հայտնաբերվել դեռեւս հայտնի չէ:
Հիշեցնենք, որ նոյեմբերի 25-ին Ազգային անվտանգության ծառայությունը Երեւանում վնասազերծել է ծանր հանցագործություն կազմակերպելու մեջ կասկածվող խմբի: ԱԱԾ-ի փոխանցմամբ, նոյեմբերի 25–ին ԱԱԾ աշխատակիցները ոստիկանության հետ համատեղ տան խուզարկության ընթացքում հայտնաբերել են տարբեր տեսակի ինքնաձիգեր, ատրճանակներ, նռնականետեր (այդ թվում «մուխա» տեսակի), նռնակներ, պայթուցիկ նյութեր եւ պայթուցիկ սարքեր, կապի միջոցներ, փամփուշտներ, փամփշտակալներ, ռազմական հանդերձանք՝ այդ թվում զրահաբաճկոններ: Խուզարկության պահին առանձնատանը, Արթուր Վարդանյանի գլխավորությամբ, հավաքված են եղել հանցավոր խմբակցության 9 անդամները, որոնք ձերբակալվել են: Կասկածյալների ընդհանուր թիվը 19–ն է, երեկվանից մայրաքաղաքում, Շիրակում եւ Կոտայքում զինված հսկողություն են իրականացնում իրավապահները` ենթադրաբար մյուս կասկածյալներին գտնելու նպատակով: ՀՀ ԱԱԾ քննչական վարչությունում հարուցվել է քրեական գործ ՀՀ քրեական օրենսգրքի 223-րդ հոդվածի 1-ի եւ 2-րդ մասերով եւ 235–րդ հոդվածի 3-րդ մասով, կատարվում է նախաքննություն:
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
17106 դիտում
2
10928 դիտում
3
2287 դիտում
4
2141 դիտում
5
1517 դիտում
1
17623 դիտում
4
8026 դիտում
5
4066 դիտում
4
8257 դիտում
