ՄԻՆՉ ՓԵՏՐՎԱՐԻ 12-Ը ԲՀԿ-Ն ԻՇԽԱՆԱՓՈԽՈՒԹՅԱՆ ԿՈՉԵՐ ՉԻ ԱՐԵԼ. ԻՍԱԳՈՒԼՅԱՆ

ՄԻՆՉ ՓԵՏՐՎԱՐԻ 12-Ը ԲՀԿ-Ն ԻՇԽԱՆԱՓՈԽՈՒԹՅԱՆ

ԿՈՉԵՐ ՉԻ ԱՐԵԼ. ԻՍԱԳՈՒԼՅԱՆ

«Ազգային անվտանգություն» կուսակցության նախագահ, ՀՀ-ում ԼՂՀ մշտական ներկայացուցչությաբն խորհրդատու Գառնիկ Իսագուլյանը վերջերս հայտարարել է, որ ինքը երբեք ընդդիմադիր չի եղել: «Իրավունք»-ը պրն Իսագուլյանից հետաքրքրվեց` եթե երբեք ընդդիմադիր չի եղել, ինչու էր «եռյակի» հետ համագործակցում: Քաղաքական գործչի պատասխանը, սակայն, կարծես խուսափողական էր.

«Պետությունը հզոր է, երբ ընդդիմությունը համարյա հավասար վարկանիշ է ունենում հանրության մեջ: Ո՞վ է ասել, որ ըննդիմությունը նաեւ իշխանության կրողը չէ: Իշխանափոխություն, նշանակում է, ժողովրդի իշխանությունը ձեռքից չառնել, հաջորդ ընտրություններն այնպես կազմակերպել, որ ժողովուրդը հնարավորություն ունենա իր քվեի միջոցով ձեւավորել իշխանություն»:

Իսագուլյանին հիշեցրինք` «եռյակի»` ՀԱԿ-ի, «Ժառանգության» ԲՀԿ-ի նպատակը  ըստ էության մեկն էր` իշխանափոխություն կազմակերպել Հայաստանում: «Մինչեւ փետվարի 12-ը բերեք որեւէ ելույթ, երբ Ծառուկյանը խոսում էր իշխանափոխության մասին»,- ասաց Իսագուլյանը:

Կուսակցության ղեկավարը նաեւ հիշեցրեց` իր համագործակցությունը «եռյակի» հետ պայմանավորված է եղել Գագիկ Ծառուկյանի անձով:

Ի դեպ, հարցազրույցներից մեկում պարոն Իսագուլյանը հայտարարել էր, որ ՀՀ նախագահ Սերժ Սարգսյանն իր լավագույն ընկերն է: Հետաքրքիր է, եթե դա իրոք այդպես է, ինչո՞ւ էր Իսագուլյանը համագործակցում «եռյակի» հետ, որի երկու ուժերը` ՀԱԿ-ը, «Ժառանգություն»-ը հստակ պահանջում էին եւ շարունակում են պահանջել Սերժ Սարգսյանի հրաժարականը: Եվ միայն ԲՀԿ-ն էր, որը գոնե փետրվարի 12-ը, իշխանափոխության հստակ պահանջ չէր դնում: Դատելով Իսագուլյանի անցած ճանապարհից` կարելի է եզրակացնել` երբ պետք է, նա ընդդիմադիր է, երբ անհրաժեշտ, իշխանամետ:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝