ՆՈՐԱՁԵՎՈՒԹՅՈՒՆԸ ՀԶՈՐ ՖԻՆԱՆՍԱԿԱՆ ՀԱՐԹԱ՞Կ
Արխիվ 12-16
ՆՈՐԱՁԵՎՈՒԹՅՈՒՆԸ ՀԶՈՐ ՖԻՆԱՆՍԱԿԱՆ ՀԱՐԹԱ՞Կ
Ի տարբերություն Հայաստանում նորաձեւությամբ զբաղվող մեր մոդելավորողների, ովքեր, պարզապես, փորձում են ոլորտում գոյատեւել, պարզվում է` այն առավել խոստումնալից մասնագիտություն է ՌԴ-ում, որտեղ իրենց խոսքն են ասում էլի մեր հայերը: «Իրավունքը» առիթ ունեցավ այս մասին զրուցել մոսկվաբնակ մոդելավորող ԱՐԱՔՍՅԱ ՎԻՏԱՅԻ հետ, ով հայտնի է իր երեկոյան էլեգանտ զգեստների հավաքածուներով.
«Նորաձեւությամբ զբաղվում եմ շուրջ 8 տարի: Սա հետաքրքիր եւ բարդ ոլորտ է, որն իր մեջ շատ յուրահատուկ տարրեր է պարունակում: Այն թույլ է տալիս ամեն օր գործ ունենալ գեղեցիկի հետ եւ ձեռք բերել հետաքրքիր ծանոթություններ, ընդ որում` ոչ միայն նորաձեւության, այլ շոու-բիզնեսի ոլորտից, ինչի մասին երազել եմ:Բացի այս ամենից, նորաձեւությունը մի հզոր ֆինանսական հարթակ է` հեռանկարային, մրցակցային բարձր ցուցանիշներով, կրեատիվ մտածողությամբ»: Անդրադառնալով հարցին, թե ինչո՞ւ Հայաստանում չի կայանում նորաձեւության ոլորտը, մեր զրուցակիցն ընդգծեց. «Հայաստանում այս ոլորտի ոչ բավարար կայացման համար կան շատ պատճառներ, բայց ամենամեծ խնդիրը տնտեսական հարցերն են: Ցավում եմ այս հանգամանքի համար, չէ՞ որ հայ ազգը շատ տաղանդավոր է: Ավելին` համոզված եմ, որ կան բազում տաղանդաշատ երիտասարդներ, ովքեր կուզենային ներկայանալ, ինչու ոչ, համայն աշխարհին իրենց տաղանդով: Հուսով եմ` այդ օրը սարերի հետեւում չէ»: Ամեն դեպքում, Արաքսյա Վիտան, ով արդեն ստեղծել է իր բրենդը Ռուսաստանում, հավելեց. «Անկեղծ ասած, երազում եմ մի գեղեցիկ օր հետաքրքիր ցուցադրությամբ հանդես գալ Հայաստանում եւ համագործակցել իմ գեղեցիկ հայուհիների հետ»:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
17400 դիտում
2
10999 դիտում
3
2291 դիտում
4
2141 դիտում
5
1517 դիտում
1
17623 դիտում
4
8026 դիտում
5
4086 դիտում
4
8257 դիտում
