Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ՋԱՆՋՈՒՂԱԶՅԱՆԸ` ԱՐՏԱՔԻՆ ՊԱՐՏՔԻ ՄԱՍԻՆ. «ԵՆԹԱԴՐԵՆՔ` ԴԱ ՓԱԿԵԼՈՒ ԵՔ 2242 Թ-ԻՆ, Ի՞ՆՉ Է ԴԱ ՁԵԶ ՏԱԼՈՒ»

Արխիվ 12-16

ՋԱՆՋՈՒՂԱԶՅԱՆԸ` ԱՐՏԱՔԻՆ ՊԱՐՏՔԻ ՄԱՍԻՆ.

«ԵՆԹԱԴՐԵՆՔ` ԴԱ ՓԱԿԵԼՈՒ ԵՔ 2242 Թ-ԻՆ, Ի՞ՆՉ Է ԴԱ

ՁԵԶ ՏԱԼՈՒ»

 

Հաջորդ տարվա բյուջեի նախագիծը  խորհրդարանում քննարկելիս ՀԱԿ խմբակցության քարտուղար Արամ Մանուկյանը, ՕԵԿ խմբակցության ղեկավար Հեղինե Բիշարյանը  հայտարարեցին, որ յուրաքանչյուր քաղաքացի պետությանը պարտք է 1600-1700 դոլար: «Իրավունք»-ը ՀՀ ֆինանսների նախարարի տեղակալ-գլխավոր գանձապետ Ատոմ Ջանջուղազյանից հետաքրքրվեց` մտահոգիչ չե՞ն ընդդիմադիրների հնչեցրած այս թվերը, եթե հաշվի առնենք, որ տնտեսական աճը հաջորդ տարի 2,2%  է նախատեսված: «Ոչ, մտահոգիչ չեն: Արված են հաշվարկներ, արտաքին պարտքի սպասարկման տեսակետից որեւէ ռիսկ չկա»,- ասաց պաշտոնյան:

Ատոմ Ջանջուղազյանի համար անհասկանալի էր նաեւ ՀԱԿ խմբակցության պատգամավոր Արամ Մանուկյանի հաշվարկները. «Հարցրեք նրան, ես չգիտեմ: Պարտքի պաշարի միայն մեծությունը շատ մեծ անորոշություն է պարունակում: Ենթադրենք` իմացաք, որ  դուք այդ 1600 դոլար պարտքը փակելու եք, օրինակ, 2242 թ-ին: Ի՞նչ է դա տալիս: Չէ՞ ոչ դուք չեք իմանա` 2242 թ-ին ձեր պետությունը, տնտեսությունն ինչ փուլում կլինի»:

Չնայած, որ արտաքին պարտքի շեմը վտանգավոր չէ, սակայն Ջանջուղազյանի կարծիքով դա չի նշանակում` Հայաստանը պետք է  անզուսպ ցանկություն ունենա պարտք վերցնել:

ՀԱԿ խմբակցության մեկ այլ պատգամավոր Լյուդմիլա Սարգսյանը վերջերս  դեֆոլտի մասին խոսեց, մինչդեռ  Ջանջուղազյանը  հակառակը պնդեց: «Այս տարի ունեցել ենք եվրաապարտատոմսերի տեղաբաշխում: Դուք պատկերացնո՞ւմ եք` այդ ներդրողները գնահատելով, որ երկիրը կանգնածէ  դեֆոլտի առաջ, ներդրումներ անեն: Մեր տեսադաշտում դեֆոլտի ռիսկ չկա: Եթե լինի էլ, մենք չենք թաքցնի, ու դա թաքցնելու բան էլ չի»,- ասաց Ջանջուղազյանը:


ՍՈՆԱ ԴԱՎԹՅԱՆ


 

Հավանեցի՞ր հոդվածը, կիսվիր ընկերներիդ հետ