Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

Տեղի է ունեցել Երևանի ավագանու հերթական նիստը

Արխիվ 12-16

Տեղի է ունեցել Երևանի ավագանու հերթական նիստը



Երևանի ավագանին նոյեմբերի 25-ին գումարված հերթական նիստում միաձայն կողմ քվեարկությամբ հավանություն է տվել հայ  անվանի  գիտնական,  բժշկական  գիտությունների դոկտոր,  պրոֆեսոր  Կարեն  Քյանդարյանի,  ՀՀ վաստակավոր  արտիստուհի  Բելլա  Դարբինյանի և ՀՀ  ժողովրդական նկարիչ  Անատոլի Պապյանի հիշատակը հավերժացնող հուշատախտակներ տեղադրելու մասին որոշումներին:

Ավագանին  միաձայն կողմ քվեարկությամբ հավանություն է տվել նաև «Երևանի քաղաքային նոր աղբավայր» փակ բաժնետիրական ընկերություն ստեղծելու մասին որոշմանը: Նոր  աղբավայրը  նախատեսվում  է  կառուցել  Նուբարաշենի  գործող  աղբավայրի հարևանությամբ: Աղբավայրի  առաջին  գոտին  շահագործման  հանձնելուց  հետո նախատեսվում է գործող  աղբավայրի փակման և վերականգնողական աշխատանքների իրականացում:

Երևանի ավագանու որոշմաբ  մինչև  2017  թվականի  դեկտեմբերի  1-ը երկարացվել է Փ.Բուզանդի  փողոցի  1/3  հասցեում  «Հրապարակ օրաթերթ»  սահմանափակ  պատասխանատվությամբ  ընկերությանը  տրամադրված  տարածքի  անհատույց  օգտագործման  ժամկետը:  Ավագանու որոշմամբ նույն ժամկետով երկարացվել է «Հանրային  կապերի  և  տեղեկատվության  կենտրոն» ՊՈԱԿ-ին տրամադրված  տարածքի  անհատույց  օգտագործման  ժամկետը:

Նիստի օրակարգում ընդգրկված մյուս հարցերը նույնպես արժանացել են ավագանու հավանությանը:

Երևանի ավագանու հերթական հաջորդ նիստը տեղի կունենա դեկտեմբերի 23-ին:

 

 

Հավանեցի՞ր հոդվածը, կիսվիր ընկերներիդ հետ