ՄԱՐՏՈՒՆ ԳՐԻԳՈՐՅԱՆԸ Ո՛Չ ՀԵՐՔՈՒՄ, Ո՛Չ ՀԱՍՏԱՏՈՒՄ Է ԲՀԿ ԵՏ ՎԵՐԱԴԱՌՆԱԼԸ

ՄԱՐՏՈՒՆ ԳՐԻԳՈՐՅԱՆԸ  Ո՛Չ ՀԵՐՔՈՒՄ, Ո՛Չ ՀԱՍՏԱՏՈՒՄ

Է ԲՀԿ ԵՏ ՎԵՐԱԴԱՌՆԱԼԸ

Վերջին շրջանում Գագիկ Ծառուկյանի ակտիվ քաղաքականություն վերադառնալու մասին շատերն են խոսում: Անգամ լուրեր կան, որ Ծառուկյանը հնարավոր է նորից ԲՀԿ-ն ղեկավարի: «Իրավունք»-ը ԲՀԿ-ից դուրս եկած Մարտուն Գրիգորյանից հետաքրքրվեց` կցանկանա՞ ԲՀԿ-ն նորից  ղեկավարի Գագիկ Ծառուկյանը: «Ես նման  լուրերի չեմ տիրապետում: Դա Գագիկ Ծառուկյանի գործն է: Եթե Գագիկ Ծառուկյանը ցանկություն ունի նորից կուսակցությունը ղեկավարել, Նաիրա Զոհրաբյանն էլ  կուսակցության ղեկը կհանձնի Գագիկ Ծառուկյանին, եթե հանաձայնեցված գնալու են էդ քայլին, իրենց գործն է: Ես այդ մասին ընդհանրապես չեմ մտածել: Այս  պահին հաշվի եմ առնում Ծառուկյանի խոսքը քաղաքականությունից դուրս գալու մասին:

- Ըստ տեղեկությունների` Ծառուկյանի վերադարձի դեպքում ԲՀԿ-ից հեռացածները նորից ետ կվերադառնան:

- Երբ  Ծառուկյանը նման որոշում կկայացնի, մենք կարող ենք գնահատական տալ:

- Բայց Դուք ետ կգնաք ԲՀԿ պրն Ծառուկյանի ԲՀԿ ետ վերադառնալու դեպքում:

- Դա օդի միջի հարց է:

Հ.Գ. Մարտուն Գրիգորյանը  փաստորեն, ո՛չ հերքեց, ո՛չ  հաստատեց ետ վերադառնալու մասին խոսակցությունները:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝