ԱՐԱԳԱԾ ԱԽՈՅԱՆ. «ԲԱ ԵՍ ԷԴ ՄԱՐԴՆ ԵՄ ԵՐԿՈՒ ՄԻԼԻՈՆԻ ՀԱՄԱՐ ՍՆԱՆԿԱՆԱՄ»

ԱՐԱԳԱԾ ԱԽՈՅԱՆ. «ԲԱ ԵՍ ԷԴ ՄԱՐԴՆ ԵՄ ԵՐԿՈՒ

ՄԻԼԻՈՆԻ ՀԱՄԱՐ ՍՆԱՆԿԱՆԱՄ»

Օրեր առաջ «Իրավունք»-ի տեսախցիկը արձանագրել էր` ԲՀԿ պատգամավոր Արագած Ախոյանը քվեարկում է բացակա գործընկերոջ Տիգրան Ստեփանյանի փոխարեն: Սա այն դեպքում, երբ հաճախ ենք լսում «քաղաքական մշակույթ պետք է ձեւավորվի Հայաստանում» արտահայտությունը: Ինչու է պատգամավորը նման քայլի դիմել, չի՞ կարծում, որ քաղաքական մշակույթը միմյանց փոխարեն չքվեարկելուց է սկսվում: վՇնորհակալ եմ, որ ուշի ուշով հետեւում եք ինձ: Դրանից ես ինձ միայն լավ եմ զգում: Երբ հաճախ տեսնում եմ, որ (դուք վերեւում չեք նկատի ԱԺ-ի լրագրողների օթյակում-խմբ.), սկսում եմ անհանգստանալ: Ես ընդամենը ձեռք գցեցի ջրի բաժակին: Ես չեմ քվեարկել»:

Պատգամավորին հիշեցրինք` Տիգրան Ստեփանյանն այդ օրը բացակա էր, սակայն քվեարկության արդյունքները այլ բան են ցույց տալիս` նա երկու անգամ «կողմ» է քվեարկել, մեկ անգամ էլ` չի մասնակցել քվեարկությանը: «Բայց իմ ջուրը վերջացել էր, ես նրա ջուրը վերցրի», փորձեց արդարանալ գործարար օրենսդիրը:

-Բայց մի քանի անգա՞մ:

-Չէ, ես մի անգամ բաժակը վերցրի, մի անգամ էլ` ջուրը: Մյուս անգամ Ձեզ կհարցնեմ:

-Այսինքն` հերքո՞ւմ եք, որ նրա փոխարեն եք քվեարկել:

-Ո՛չ հերքում եմ, ո՛չ էլ հաստատում: Ուրիշ թեմա փնտրեք, լուրջ թեմա:

- Բայց  ես հիմնավորեցի իմ հարցադրումը եւ կա տեսանյութ: Չե՞ք կարծում, որ  քաղաքական մշակույթը վերոնշյալ տարրական նորմը պահպանելուց  է  սկսվում:

- Կարծում եմ:

- Կհետեւե՞ք այսուհետ այդ նորմին:

- Անպայման, անպայման:

- Ի դեպ, վերջերս Ձեր  սնանկության գործով կառավարիչ Արսեն Չիտչյանը հայտարարել էր ձեր սնանկ լինելու մասին:

- Չկա նման բան, ես չեմ սնանկանալու: Մենք աշխատող մարդիկ ենք, քիթներդ հեռու պահեք մեզանից, փակեք էդ թեման: Ընչազուրկներին խորհուրդ եմ տալիս հեռու մնան ինձանից: Բա ես էդ մարդն եմ, որ սնանկանամ երկու միլիոն դրամի համար: Լսեք երաշխավորող եմ եղել ուրիշի համար, նա էլ անպարտաճանաչ է եղել, ինձ էլ չէին զգուշացրել: Ես անգամ փաստաթղթեր եմ բերել, որ  ՀՀ-ում չեմ եղել:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝