ԱԺ ՆԱԽԱԳԱՀԸ` ԲԱԳՐԱՏՅԱՆԻՆ. «ՊԱՐՈՆ ԲԱԳՐԱՏՅԱՆ, ԴՈՒՔ ԳՅՈՒՂԱՄԻՋՈՒՄ ՉԵՔ». ՏԵՍԱՆՅՈՒԹ

ԱԺ ՆԱԽԱԳԱՀԸ` ԲԱԳՐԱՏՅԱՆԻՆ. «ՊԱՐՈՆ ԲԱԳՐԱՏՅԱՆ,

ԴՈՒՔ ԳՅՈՒՂԱՄԻՋՈՒՄ ՉԵՔ». ՏԵՍԱՆՅՈՒԹ

ԱԺ-ի արտահերթ նիստում ՀՀ 2016-2018 թթ-ի պետական վիճակագրական աշխատանքների եռամյա ծրագիրը հաստատելու մասին նախագծի քննարկման ժամանակ ԱՎԾ նախագահ Ստեփան Մնացականյանը արձագանքելով ՀԱԿ խմբակցության պատգամավոր Հրանտ Բագրատյանի ելույթին ասաց. «Դուք մի քանի օր առաջ պետական բյուջեի օրենքի նախագծի քննարկման ժամանակ հայտարարեցիք, որ վիճվարչության պետին որքան ուզում եք ասեք, որ աշխատավարձի մեջ չի կարեի մտցնել կուտակայինի գումարը, նա անընդհատ հայտարարում է՝ լավ եմ անում մտցնում եմ: Պարոն Բագրատյան Դուք 2014 թվականին նույն  խնդիրը բաձրացրել եք  2015 թվականի բյուջեի հետ կապված»:

Պրն Մնացականյանն ընթերցեց ֆինանսների նախարարին ուղղված իրենց գրությունը,  որտեղ Բագրատյանն այդ հարցը բարձրացրել է: «Դրա մեջ հղում ենք կատարել, որ պարոն Բագրատյանը 2014 թվականի հեռախոսազանգ է արել ինձ և առաջարկել, որ բացի այդ հինգ տոկոսից, աշխատավարձի մեջ ներառել կառավարյության մյուս հինգ տոկոսը: Դուք իմ բացատրությունները չընդունեցիք և ցանկացաք, որ ես դիմեմ աշխատանքի միջազգային կազմակերպությանը: Ես էլ դիմեցի՝ նշելով , որ ՀՀ ԱԺ պատգամավորներից մեկն առաջարկել է մտցնել աշխատավարձի մեջ նաեւ կառավարության կողմից հինգ տոկոսի չափով գումարը` բայց ոչ ավելի քսանհինգ հազար դրամը` բացի գործատուի կողմից վճարվող մասը»,-մանրամասնեց ԱՎԾ պետը:

Բագրատյանը լսելով իր անունը տեղից բղավեց`ասելով, որ նման բան չի եղել, իսկ եթե պրն Մնացականյանն իրեն ցույց տա այդ փաստաթուղթը, ինքը ներողությու կխնդրի ԱԺ-ից: ԱԺ Գալուստ Սահակյանը հորդորեց Բագրատյանին հանգիստ պահել իրեն. «Դուք գյուղամիջում չեք: Դուք որ խոսում էիք, նա ձայն  չէր հանում: Տեսնում եք բարեկրթության տաբերությունն ինչ է»:

Ստեփան Մնացանյանն էլ հակադարձեց Բագրատյանին. «Դուք ինձ հեռախոսով եք ասել այդ մասին»:

ՀԳ. Սա, ըստ էության, Բագրատյանի հերթական սուտլիկությունն էր, որը ապացուցվեց ԱԺ ամբիոնից: Իսկ եթե արդեն հիշողության հետ խնդիրներ կան, պարոն Բագրատյան, դա արդեն այլ բժշկի խնդիր է:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝