Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

Ի՞ՆՉ Է ԻՐԵՆԻՑ ՆԵՐԿԱՅԱՑՆՈՒՄ «ՆՈՐ ՀԱՅԱՍՏԱՆ» ԿՈՉՎԱԾ ՀԱԿԱՀԱՅԿԱԿԱՆ ԿԱՌՈՒՅՑԸ

Արխիվ 12-16

Ի՞ՆՉ Է ԻՐԵՆԻՑ ՆԵՐԿԱՅԱՑՆՈՒՄ «ՆՈՐ ՀԱՅԱՍՏԱՆ» ԿՈՉՎԱԾ ՀԱԿԱՀԱՅԿԱԿԱՆ ԿԱՌՈՒՅՑԸ

 

Մեր երկրում վերջերս հայտնված` «Նոր Հայաստան» կոչվող անհասկանալի ու կասկածելի կառույցի անվանման մեջ սխալ բառ կա: Ոչ, դա «նոր» բառը չէ, որովհետեւ այս շարժումն իսկապես նոր է, այլ «Հայաստան» բառն է, որովհետեւ անհասկանալի է, թե ի՞նչ գործ ունեն ընդհանրապես Հայաստանի հետ այդ շարժման պարագլուխները` Րաֆֆի Հովհաննիսյանն ու Ժիրայր Սէֆիլյանը:

Նրանք երկուսն էլ ընդհանրապես Հայաստանում չեն մեծացել, Հայաստանում չեն դաստիարակվել, ապրել են արտերկրում, իսկ հիմա հանկարծ դարձան «հայրենիքի ցավով տառապող» եւ մեր ապագայի մասին են «մտահոգվում», նոր Հայաստան են ուզում կերտել` մոռանալով, որ իրենց հանրահավաքներին լավագույն դեպքում 20 հոգի է գալիս մասնակցելու, մնացած «մասնակիցները» ոստիկաններն ու լրագրողներն են: Եվ այս ողորմելի վիճակում հայտնվածները համառորեն շարունակում են իրենց ծիծաղելի դրության մեջ դնել եւ կրկին խոսել մեր ապագայի մասին, բարձրաձայնել երկրում իշխանությունը վերցնելու մասին իրենց անիրականանալի երազանքները:
Ընդամենը հիշեցնենք, որ նրանցից Րաֆֆին, ով ուներ ռեալ հնարավորություն 2013թ. երկրում փոփոխություններ անելու, վիժեցրեց ամբողջ շարժումը` ճանապարհի կեսից գնալով աղոթելու: Իսկ հիմա չունենալով նույնիսկ 2 տասնյակ համակիր` նորից մտել է հեղափոխականի եւ փրկչի կերպարի մեջ, ինչն առնվազն ծիծաղելի է: Անլուրջ ու անտրամաբանական են նաեւ Սէֆիլյանի բոլոր քայլերը: Բոլորին էլ պարզ է, որ դեկտեմբերի 6-ին ոչ մի ռեժիմ էլ նա չի կարող հեռացնել, ինչպես չկարողացավ ապրիլի 24-ին, հետեւաբար ակնհայտ է, որ նրա բուն նպատակն իրեն ֆինանսավորողներին գոհացնելն է: Հասարակ սխեմա է` եթե փողը վերցնում եւ ծախսում ես, պետք է նաեւ գործողությունների հաշվետվություն տաս: Ընդ որում, Սէֆիլյանն այնքան ագահ է, որ մի տեղից ստացած փողով չի բավարարվում եւ կողքից էլ Facebook սոցիալական ցանցում դրամահավաքի մասին հայտարարություն է տալիս:
Այս ամենը զարմանալի չէ, որովհետեւ այս մարդիկ Հայաստանի համար օտար են, եւ միայն օտարը կարող է փորձել նման «բիզնես-ծրագրեր» իրականացնել իր երկրում` վիճակն ապակայունացնելու եւ այդ երկրի ժողովրդին խաբելու հաշվին: Սա իսկապես որ օտարին բնորոշ մոտեցում է: Անհասկանալի է միայն մի բան` ո՞ւմ խաղն են տանում: Հաստատ իրենցը չէ, ի՞նչ են ուզում սրանք:
Ահա թե ինչ է իրենից ներկայացնում այս «Նոր Հայաստան» կոչված հակահայկական կառույցը:

«100-ամյակն առանց Ժիրայր Սէֆիլյանի» ֆեյսբուքյան էջ

Հավանեցի՞ր հոդվածը, կիսվիր ընկերներիդ հետ