«ԱՅՈ»-ի շտաբի պետ « 22 հազար սիսանցի ընտրողներից ամենաքիչը` 12 հազարը կմասնակցի Սահմանադրական բարե
Արխիվ 12-16
«ԱՅՈ»-ի շտաբի պետ. «22 հազար սիսանցի
ընտրողներից ամենաքիչը` 12 հազարը կմասնակցի
Սահմանադրական բարեփոխումների հանրաքվեին»
«Սիսանում ունենք մոտ 900 ՀՀԿ-ական, հանդիպումներ ենք ունեցել բոլոր ակտիվ, ինչու չէ նաեւ պասիվ ՀՀԿ-ականների հետ, ովքեր էլ դարձել են մեր քարոզիչները ամբողջ տարածքում: Քննարկումներ ենք արել նաեւ «Ոչ» -ի կողմնակիցների հետ: Սիսիանի տարածաշրջանում կա մոտ 22 հազար ընտրող, կարծում եմ 22 հազար ընտրողներից ամենաքիչը 12 հազարը կմասնակցի Սահմանադրական բարեփոխումների հանրաքվեին ընտրություններին: Ինչ վերաբերում է իրազեկվածությանը, ապա կարծում եմ` չնայած քարոզարշավ դեռ նոր է սկսել, բայց սիսիանցիները արդեն իսկ իրազեկված են նոր բարեփոխումներին»,- մեզ հետ զրույցում անդրադառնալով սիսանցիների իրազեկվածությանը հանրաքվեի վերաբերյալ, ասաց Սիսիանի «Այո» քարոզչական շտաբի պետ ՋԻՎԱՆ ՄԱՉԳԱՐՅԱՆԸ:
Պարոն Մարգարյանը վստահ է, որ նոր Սահմանադրության ընդունումից հետո կլուծվեն նաեւ սիսիանցիների խնդիրները.
«Եթե հասարակությունը զարգանում է դինամիկորեն, իսկ եթե հասարակության զարգացմանը զուգընթաց քաղաքական փոփոխություններ չեն կատարվում, այն գնում է կործանման: Իսկ այս դեպքում` նոր Սահմանադրությամբ գնում ենք հստակ զարգացման: Վստահ եմ, որ սահմանադրության ընդունումից հետո կլուծվեն նաեւ սիսիանցիներին մտահոգող բոլոր հիմնախնդիրները»:
«Մարզպետը հայտարարել է ընտրողների նկատմամբ չօգտագործվի վարչական որեւէ ռեսուրս»
Շտաբի պետը միանշանակ բացառեց նաեւ շրջանառվող այն լուրերը, թե մարզում` մասնավորապես Սիսիան համայնքում Սյունիքի մարզպետի կողմից ճնշումներ են իրականացվում.
«Բնական եմ համարում, որ Սյունիքի մարզը միշտ ուշադրության կենտրոնում է, քանի որ մեր մարզը պատմության մեջ երբեւէ զերծ չի մնացել քաղաքական իրադարձություններից, եւ այն, որ Սյունիքը անընդհատ լրատվության ուշադրության կենտրոնում է, դա չի նշանակում, որ դա կապված է մարզպետի հետ, բնական է, որ մարզպետը իր մարզը լավ առումով միշտ քննարկումների, ուշադրության կենտրոնում է պահում: Ինչ վերաբերում է մարզպետի կողմից ընտրողների նկատմամբ ճնշումներին, ապա կարող եմ հավաստիացնել, որ մեր մարզում չկա նման բան: Տեսեք, ես շտաբի պետն եմ` մարզպետը հանրաքվեի հետ կապված ընդամենը երեք անգամ է եկել Սիսիան, հանդիպել է ակտիվ քաղաքացիների հետ, որոնց թվում եղել են նաեւ "Ոչ"-ի կողմնակիցներ, ինձ չի թվում, որ հանդիպումներով մարզպետը իր լիազորություններից դուրս որեւէ բացասական բան է անում: Ընդհակառակը, մարզպետը ինքն է առաջին հանդիպման ժամանակ հայտարարել, որ ընտրողների նկատմամբ որեւէ ճնշում չգործադրվի եւ չօգտագործվի վարչական որեւէ ռեսուրս: Մենք հենց այդ կերպ էլ վարվում ենք, որովհետեւ շատ լավ գիտակցում ենք` ինչքան էլ մարդուն ճնշենք, եթե մարդը չուզենա քվեարկի "Այո", ինչ էլ անես էդ մարդը հակառակը չի անի: Մեզ մոտ ճնշումներ չկան, մենք զբաղված ենք քարոզարշավով»:
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
18512 դիտում
2
11159 դիտում
3
1581 դիտում
4
1542 դիտում
5
1486 դիտում
2
17658 դիտում
4
8049 դիտում
5
4105 դիտում
4
8276 դիտում
