ՎԱՇԽԱՌՈՒԻ ԶՈՀ. «ԿԱԴԱՍՏՐԻ ՓԱՍՏԱԲԱՆԻՑ ԱՎԵԼԻ ՇԱՏ ԵՆՔ ՊԱՅՔԱՐՈՒՄ»

ՎԱՇԽԱՌՈՒԻ ԶՈՀ. «ԿԱԴԱՍՏՐԻ ՓԱՍՏԱԲԱՆԻՑ ԱՎԵԼԻ

ՇԱՏ ԵՆՔ ՊԱՅՔԱՐՈՒՄ»

«Իրավունքը» նախորդ տարի անդրադարձել էր Երեւանի Բաբաջանյան փողոցի 103 շենքի 22 բնակարանի բնակիչ Սողոմոնյանների ընտանիքի խնդրին: Հիշեցնենք` Սողոմոնյանների ընտանիքը, ինչպես պնդում է Հովհաննես Սողոմոնյանը, դարձել է խաբեության զոհ, որում իր  ուրույն դերակատարությունն է ունեցել, ինչպես մեզ հետ զրույցում նշում է Սողոմոնյանը, վաշխառու Նորիկ Տեր-Գրիգորյանը: Նա ամեն կերպ ցանկանում է վերականգնել Սողոմոնյանների բնակարանի կեղծ առք ու վաճառքի պայմանագիրը, որը  դատական երեք ատյանները  չեղյալ են համարել: Իսկ նման վաշխառուներ մեր երկրում քիչ չեն:

Բնակարանի կեղծ առքուվաճառքի պայմանագիրը անօրինական համարելու համար վաշխառու Նորիկ Տեր-Գրիգորյանը դատի է տվել կադաստրի պետական կոմիտեին: Որպես երրորդ կողմ՝ դատական սույն գործում ներգրավված են նաեւ Սողոմոնյանների ընտանիքը: Սույն գործով դատական վճիռը  կայացվեց 2014 թվականի հոկտեմբերի 22-ին. վարչական դատարանը մերժեց Նորիկ Տեր-Գրիգորյանի հայցն ընդդեմ կադաստրի պետական կոմիտեի:

Դատական սույն գործը նոր փուլ է թեւակոխել: Նոյեմբերի վեցին, ինչպես մեզ տեղեկացրեց  երրորդ կողմ հանդես եկող Հովհաննես Սողոմոնյանը,   դատական նիստը  հետաձգվեց հայցվոր կողմի փաստաբանի ուշացման պատճառով:

Թեեւ Սողոմոնյանների ընտանիքը որպես երրորդ կողմ է հանդես գալիս, սակայն  իր խոսքով` կադաստրի պետական կոմիտեից իրենք ավելի շատ են շահագործված դատական սույն գործով: «Կադաստրի  փաստաբանից շատ ենք պայքարում, դարձել ենք պատասխանող կողմ: Կադաստրը գալիս, «հա» կամ «չէ» է ասում, քաշվում մի կողմ»,- ասաց  պրն Սողոմոնյանը:

Սույն գործով դատական հաջորդ նիստը  նշանակված է   դեկտեմբերի 17-ին` ժամը` 11:00-ին:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝