Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ԱՎԱԶԱԿՈՒԹՅՈՒՆԻՑ ՀԵՏՈ «ԳՅՈՒՂՈՒՄ ԼԱՐՎԱԾՈՒԹՅՈՒՆԸ ՕՐ ՕՐԻ ՄԵԾԱՆՈՒՄ Է»

Արխիվ 12-16

ԱՎԱԶԱԿՈՒԹՅՈՒՆԻՑ ՀԵՏՈ «ԳՅՈՒՂՈՒՄ ԼԱՐՎԱԾՈՒԹՅՈՒՆԸ ՕՐ ՕՐԻ ՄԵԾԱՆՈՒՄ Է»

 

Օրերս Արմավիրի մարզի Սամաղար գյուղում հերթական ավազակային հարձակումն է իրականացվել: «Դիմակավորված, ձեռնոցներով երկու անձ տան մուտքի դուռը հրել-բացելով մտել են գյուղացիներից` 78-ամյա Հրաչի տուն, ծեծի ենթարկել նրան եւ կնոջը` Կասյային, կապել նրանց, ապա սպառնալիքների տակ պահանջել եւ ստացել 300.000 դրամ, 50.000 ռուբլի, մոտ 450.000 դրամ արժողության ոսկյա զարդեր եւ դիմել փախուստի»: Մեզ հետ զրույցում տեղի ունեցածն այսպես նկարագրեց Սամաղարի գյուղապետ ՍԵՐՅՈԺԱ ԱՌԱՔԵԼՅԱՆԸ:

Գյուղապետը նաեւ այս տարօրինակ իրավիճակը ներկայացրեց. գյուղում լարված իրավիճակը դեռ պահպանվում է, տուժողների տունը մինչ օրս հսկում է ոստիկանությունը. «Բակ դուրս գալիս անգամ, նրանց անվտանգությունը հսկում է ոստիկանությունը»: Եվ ամենազարմանալին այն է, որ թալանված ծեր ամուսինների անվտանգություն, ոստիկանները պաշտպանում են ոչ թե ավազակային հարձակում իրականացնողներից ¥ովքեր հաստատ էդ կողմերում չեն էլ երեւա¤, այլ գյուղի բնակիչների` «ձեռքը ընկնելուց»: Բանն այն է, որ.
- Տունը թալանելու, ծեծելու համար ձերբակալվել, ապա կալանավորվել են Հրաչի բարեկամ-հարեւանների տղաները: Տուժածները սկզբում ասել են, որ հարձակում իրականացնողներին չեն տեսել, քանի որ դիմակավորված են եղել: Բայց հետո, չգիտես ոնց, նրանց խոսքերով կալանավորվել են 24, 25 տարեկան տղերք: Իբրեւ թե, դեպքի օրը հեռախոսային խոսակցության ժամանակ մեկը մյուսին ասել է. «Է՞ս էր քո բռնած գործը»: Պատահականության սկզբունքով էլ, դեպքի հաջորդ օրը` վաղ առավոտյան նրանք երկուսն էլ գնացել են Գորիս, եւ դա էլ կապում են նրա հետ, թե տղերքը Գորիս են տարել իրենց թալանած ավարը: Անմեղ տղերքին, ովքեր էս հարձակման հետ ընդհանրապես կապ չունեն, ծեր ամուսինների պատճառով կալանավորել են: Ամբողջ գյուղը խառնված է իրար, պատրաստվում են փակել ճանապարհը, ցույցեր անցկացնել` ի նշան բողոքի: Լարվածությունը գյուղում օր օրի մեծանում է: Մինչեւ հիմա կարողացել եմ զսպել գյուղացիներին, բայց վախենամ՝ էլ չկարողանամ: Արդարությունը  պետք է վերականգնվի, ի՞նչ խղճով են ծեր ամուսինները սուտ, մտացածին բաներով խորտակում տղերքի կյանքը՝ դաստիարակված տղերքին դարձնելով գող-ավազակներ:
- Իսկ որեւէ իրեղեն ապացույց հայտնաբերվե՞լ է կալանավորվածների մոտ:
- Ոչ, ընդհանրապես: Նրանք նույնիսկ Գորիս չեն գնացել ¥որտեղ ապրում է տղաներից մեկի տատը¤` խուզարկություն անցկացնելու: Ամբողջ գյուղը կատաղած  վիճակում է, իսկ իրենք խիղճները կորցրած, անվտանգություններն ապահոված` ապրում են, վախենում են գյուղացիների ձեռքը ընկնելուց:
ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ