Կենտրոնի հեռախոսահամարով օրական ստացվում է միջինը 100 զանգ

Կենտրոնի հեռախոսահամարով օրական ստացվում է

միջինը 100 զանգ

Օրերս բացվել է ՍԱՀՄԱՆԱԴՐԱԿԱՆ ՓՈՓՈԽՈՒԹՅՈՒՆՆԵՐԻ ՎԵՐԱԲԵՐՅԱԼ Հանրային իրազեկման կենտրոնը, որը Հայաստանյան մի շարք ԲՈՒՀ-երի իրավաբան ուսանողների նախաձեռնության արդյունքն է: Հաշվի առնելով սահմանադրական փոփոխությունների ծավալը և դրա վերաբերյալ քաղաքացիների իրազեկվածության դեռեւս ոչ բավարար մակարդակը, որը կխոչընդոտի նրանց հանրաքվեին մասնակցելուն , իրավաբան ուսանողները նպատակ են հետապնդում մասնագիտական խորհրդատվության արդյունքում բարձրացնել հանրության իրազեկվածության մակարդակը սահմանադրական փոփոխությունների վերաբերյալ: Կենտրոնի աշխատանքներում ընդգրկված են մոտավորապես 60 ուսանողներ, որոնք աշխատում են հասարակական հիմունքներով:

Կենտրոնի 80-20 անվճար հեռախոսահամարով օրական ստացվում է միջինը 100 զանգ, որի արդյունքում քաղաքացիներին տրամադրվում է մասնագիտական խորհրդատվություն:

-Նախ, պետք է նշեմ, որ որպես իրավաբաններ մեր մասնագիտական պարտքն ենքհամարում անվճար և օբյեկտիվ տեղեկատվություն տրամադրել մեր երկրիքաղաքացիներին, ինչը կնպաստի նրանց ընտրական իրավունքի լիարժեքիրականացմանը,- «ԻՐԱՎՈՒՆՔ»-ի ՀԵՏ  ՀԱՐՑԱԶՐՈՒՅՑՈՒՄ ԱՍԱՑՍԱՀՄԱՆԱԴՐԱԿԱՆ ՓՈՓՈԽՈՒԹՅՈՒՆՆԵՐԻ ՎԵՐԱԲԵՐՅԱԼ ՀԱՆՐԱՅԻՆԻՐԱԶԵԿՄԱՆ ԿԵՆՏՐՈՆԻ ՆԱԽԱՁԵՌՆՈՂ ԽՄԲԻ ԱՆԴԱՄ, ԵՊՀԻՐԱՎԱԳԻՏՈՒԹՅԱՆ ՖԱԿՈՒԼՏԵՏԻ ՄԱԳԻՍՏՐԱՏՈՒՐԱՅԻ ԱՌԱՋԻՆ ԿՈՒՐՍԻՈՒՍԱՆՈՂ ՏԱՐՈՆ ԲԱՂԴԱՍԱՐՅԱՆԸ:

- ՔԱՂԱՔԱՑԻՆԵՐԻ Ո՞Ր ՀԱՏՎԱԾՆ Է ԱՌԱՎԵԼ ՇԱՏ ՀԵՏԱՔՐՔՐՎԱԾ ՍԱՀՄԱՆԱԴՐԱԿԱՆ ՓՈՓՈԽՈՒԹՅՈՒՆՆԵՐՈՎ:

- Մեր կենտրոն զանգահարում են տարբեր տարիքային պատկանելիություն և զբաղվածություն ունեցող անձինք, ինչպես մարզերից, այնպես էլ Երևանից: Եթե առանձնացնելու լինենք, ապա կարող եմ նշել, որ հիմնական տարիքային խումբը տատանվում է 20-45 տարեկան անձանց միջև:

- Ո՞ՐՆ Է ԿԵՆՏՐՈՆԻՆ ԱՄԵՆԱՀԱՃԱԽ ՏՐՎՈՂ ՀԱՐՑԸ:

- Երևի թե կառվարման ձևի փոփոխությանը և դրանից բխող իրավական հետևանքներին վերաբերվող հարցերն են:

- ՁԵՐ ԿԱՐԾԻՔՈՎ, ՈՐՈ՞ՆՔ  ԵՆ ՆԱԽԱԳԾՈՎ ԱՄՐԱԳՐՎԱԾ ԿԱՐԵՎՈՐԱԳՈՒՅՆ ԻՐԱՎՈՒՆՔՆԵՐՆ ՈՒ ԱԶԱՏՈՒԹՅՈՒՆՆԵՐԸ:

- Թերևս, որպես իրավական նորամուծություն, կցանկանայի առանձնացնել քաղաքացիներին տրված օրենսդրական նախաձեռնության իրավունքը: Ինչ խոսք, սա կարելի է համարել ինչպես ժողովրդավարության ամրապնդմանն ուղղված կարևորագույն քայլ, այնպես էլ մարդու իրավունքների և հիմնարար ազատությունների երաշխավորման սահմանադրական գործիք:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝