Պարգեւատրվել են երիտասարդները
Արխիվ 12-16
ՀՀ ԱԺ նախագահ Գալուստ Սահակյանը նոյեմբերի 17-ին Ուսանողության միջազգային օրվա կապակցությամբ պարգեւատրել է Հայաստանի Հանրապետության մի շարք բուհերի ուսանողական խորհուրդների նախագահների եւ երիտասարդության հետ տարվող աշխատանքների ղեկավարների:
Երիտասարդները պարգեւատրվել են Ազգային ժողովի նախագահի հուշամեդալներով եւ շնորհակալագրերով, ինչպես նաեւ Ազգային ժողովի պատվոգրերով:
Շնորհավորելով պարգեւատրվածներին՝ ՀՀ Ազգային ժողովի նախագահը նշել է. «Պետության զարկերակը երիտասարդներն են, նրանք են երկրի շարժիչ ուժը: Ապագան ձերն է. դուք պիտի կարողանաք նորովի դիտարկել ձեր դերը պետության կայացման գործում: Ձեզ ժառանգաբար փոխանցված անկախության դրոշակակիրը պիտի դառնանք: Այսօր ՀՀ Նախագահի ուշադրության կենտրոնում են երիտասարդությանն առնչվող հարցերը, եւ ձեզ վերաբերող լուրջ ծրագրեր են իրականացվում երկրում: Անցնելով փորձությունների ճանապարհով՝ հայ երիտասարդները հաջողությունների են հասնում կրթության, գիտության ոլորտներում՝ միաժամանակ սրբորեն պաշտպանելով երկրի սահմանները, ծառայելով հայոց բանակում»:
Արարողությանը ներկա էին ԱԺ երիտասադության հարցերով զբաղվող հանձնաժողովի պատգամավորները՝ հանձնաժողովի նախագահ Արտակ Դավթյանը, ԱՊՀ ՄԽՎ կրթության եւ գիտության հանձնաժողովի փոխնախագահ Հայկ Բաբուխանյանը, ՀՀ ԿԳՄ հանձնաժողովի պատգամավոր Բազմասեր Առաքելյանը:
Բաժանորդագրվե՛ք https://t.me/iravunk
1
18230 դիտում
2
11115 դիտում
3
2306 դիտում
4
1551 դիտում
5
1510 դիտում
2
17643 դիտում
4
8026 դիտում
5
4094 դիտում
4
8267 դիտում
