Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՀԱԿԱՕԴԱՅԻՆ ՄԻԱՍՆԱԿԱՆ ՀԱՄԱԿԱՐԳԻ ՍՏԵՂԾՈՒՄՆ Ի՞ՆՉ ԿՏԱ ՄԵԶ

Արխիվ 12-16

ՀԱԿԱՕԴԱՅԻՆ ՄԻԱՍՆԱԿԱՆ ՀԱՄԱԿԱՐԳԻ ՍՏԵՂԾՈՒՄՆ Ի՞ՆՉ ԿՏԱ ՄԵԶ

 

ՌԴ նախագահ Վլադիմիր Պուտինն օրերս հրահանգեց՝ Հայաստանի հետ ստորագրել տարածաշրջանային միասնական հակաօդային պաշտպանության համակարգ ստեղծելու վերաբերյալ փաստաթուղթ: Այն մշակվել է ՀԱՊԿ հավաքական անվտանգության խորհրդի որոշման համաձայն եւ բավականին ժամանակ քննարկվել է Հայաստանի եւ Ռուսաստանի պաշտպանության նախարարությունների փորձագետների կողմից: Ինչու որոշվեց հենց այս պահին ստորագրել փաստաթուղթը, եւ ինչ կտա այն Հայաստանին: Այս հարցերի շուրջ «Իրավունքը» զրուցեց հայաստանյան վերլուծաբանների հետ:
Քաղաքագետ ՍՏԵՓԱՆ ԳՐԻԳՈՐՅԱՆԸ փաստեց.

- Դեռեւս այդ փաստաթղթի բոլոր կետերը չեմ ուսումնասիրել, սակայն ընդհանուր առմամբ պատկերացումն արդեն կա: Գուցե այս պահին փաստաթղթի ստորագրումը կապված է վերջերս Թուրքիայի օդուժի կողմից մեր սահմանը հատելու հետ: Շատ կաեւոր է, որ մասնագետները պարզաբանեն, թե արդյոք այս պայմանագիրն օդային հարցերում սահմանափակելո՞ւ է մեր համագործակցությունն այլ սուբյեկտների հետ: Նման փաստաթղթի ստորագրումը կարելի է միայն ողջունել, բայց կրկնում եմ, պետք է մասնագետներն ուսումնասիրեն, որ այն մեր մյուս համագործակցությունները չսահմանափակի:
Հատուկ նշանակության խմբի հիմնադիր-հրամանատար, հետախույզ ՎՈՎԱ ՎԱՐԴԱՆՈՎՆ ընդգծեց.
- Այսօր ՀԱՊԿ-ի որոշ անդամներ մեր հաջողություններով ուրախանալու ցանկություն չունեն. հիշենք Նազարբաեւին: Ռուսաստանի հետ մենք համատեղ իրականացնում ենք նաեւ այլ ծրագրեր, եւ այդ ամենը 100 տոկոսով Հայաստանին կծառայի: Բայց հարց է, թե որոշ ծրագրեր ինչքանով կծառայեն Ռուսաստանին՝ արդեն ի վնաս մեզ: Քանի որ կան որոշակի հարցեր, որոնցում մեր շահերը չեն համընկնում: Այսինքն՝ անկախ ցանկացած փաստաթղթում ներառված կետերից, Հայաստանը պետք է կարողանա պաշտպանել իր շահերը:
ՊՆ նախկին փոխնախարար ՎԱՀԱՆ ՇԻՐԽԱՆՅԱՆԸ հավելեց.
-  Հայաստանն ու Ռուսաստանը ռազմաօդային ոլորտոմ համագործակցում են, սկսած 1993 թվականից: Այս համագործակցությունը նոր բան չէ եւ շատ կարեւոր է Հայաստանի համար: Միայն դրական է նման փաստաթղթի ստորագրումը, որը հնարավորություն կտա` մեր օդային տարածքը պաշտպանելու թշնամիներից:

Հավանեցի՞ր հոդվածը, կիսվիր ընկերներիդ հետ