Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԱԶԱՏԱԳՐՎԵՑ ԵԶԴԻՆԵՐԻ ԲՆՕՐՐԱՆ ՇԱՆԳԱԼԸ

Արխիվ 12-16

ԱԶԱՏԱԳՐՎԵՑ ԵԶԴԻՆԵՐԻ ԲՆՕՐՐԱՆ ՇԱՆԳԱԼԸ

 

«24 ժամյա կատաղի մարտերից հետո Շանգալի պաշտպանական ջոկատները Հեյդար Շեշոյի գլխավորությամբ կարողացան վերջապես ազատագրել Շանգալ քաղաքը: Սա, իհարկե, ուրախալի նորություն է ամբողջ եզդի ազգի համար: 1 տարի 3 ամիս եւ 9 օր է Շանգալը գտնվում էր ԻՊ ահաբեկչական խմբավորման գրոհայինների տիրապետության տակ եւ, փառք Աստծո, Շանգալ քաղաքը հետ վերադարձվեց», - այս մասին «Իրավունքին» տեղեկացրեց «Միդիա-Շանգալ եզդիների ազգային միավորում» ՀԿ նախագահի օգնական, «Եզդի ազգի ցեղասպանությունը կամ Շանգալի մղձավանջը» գրքի հեղինակ ՌՈՄԱՆ ԱՎԴՈՅԱՆՆ, ով կապ է հաստատել ու մանրամասներ պարզել հենց Շանգալից. «Ինչպես հաղորդում է Դոհոկից Մուրադ Համոն, որի հայրը նույնպես այս պահին Շանգալում է, եզդիական ջոկատները ոչնչացրել են տասնյակ ահաբեկիչների, իսկ մնացածները փախուստի են դիմել: 24 ժամյա մարտերին մասնակցում էր նաեւ հրամանատար Հեյդար Շեշոն եւ, ըստ Մուրադի, Շանգալ քաղաքն այսօր կեսօրին ամբողջությամբ ազատագրվել է (մեր ժամանակով ժամը 13:00-ին)»: Ի դեպ, Ռ. Ավդոյանի փոխանցմամբ` Շանգալի պաշտպանական ջոկատները` Հ. Շեշոյի հրամատարությամբ պատրաստվում են շուտով ազատագրել նաեւ Շանգալի հարավ-արեւմուտք եւ հարավ-արեւելք ընկած գյուղերը` Քոչոն, Հաթմին, Թլկասաբը, Թլբնաթը, Թլազերը, Գրզարկը, Ռմբուսին, Սիբա Շեխ Խդրը: Եվ եզրափակելով խոսքը` մեր զրուցակիցը շեշտեց. «Փառք ու պատիվ Շանգալի համար մարտնչող մեր եզդի մարտիկներին: Կեցցե՛ն մեր եզդի մարտիկները, կեցցե՛ Հեյդար Շեշոն, կեցցե՛ մեր Էզդիխանան»:

Հավելենք, որ մեկ օր տեւած մարտերի ընթացքում, եզդիներն ունեցել են 4 զոհ:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ