Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԱՍՈՒՄ ԵՄ` «ԱՅՈ», ԲԱՅՑ ԻՆՉՈ՞Ւ «ԱՅՈ»…

Արխիվ 12-16

ԱՍՈՒՄ ԵՄ` «ԱՅՈ», ԲԱՅՑ ԻՆՉՈ՞Ւ «ԱՅՈ»…



Տիգրան Ներսիսյան անուն-ազգանունը լսելիս  մեր հանրությանը ակամաից հիշում է սիրված դերասան Բաբկեն Ներսիսյանի որդուն` դերասան Տիգրան Ներսիսյանին: Սակայն նույն անուն-ազգանունով պատգամավոր էլ ունենք, ով արդեն մեկ տարուց ավելի է խորհրդարանում է եւ փոխարինում է Գրիգոր Գրիգորյանին (Շերիֆին):  «Իրավունք»-ը մեկ անգամ արդեն անդրադարձել է վերոնշյալ պատգամավորին, ով մեզ հետ զրույցում ի պատասխան այն հարցին, թե ոչ մի անգամ երիտասարդ պատգամավորը ելույթ, հայտարարություն, նախաձեռնություն չի ներկայացրել, ասել էր. «Դուք , երեւի, գիտեք, ես նոր եմ, կադապտացվենք, կիմանանք էլի, ինչի մասին է խոսքը, կանենք, կկազմակերպենք: Ես այլ գործընթացներով եմ զբաղված»:

Սահմանադրական բարեփոխումների քարոզարշավն արդեն սկսվել է: Մասնակցո՞ւմ է պատգամավորը քարոզարշավին, ինչպես են քվեարկելու իր ընտրատարածքի ընտրողները, ինչպես է  պատգամավորը նրանց համոզում: «Դե որ քվեարկեն, «այո»,- ասաց օրենսդիրը:

- Իսկ ինչո՞ւ պետք է այո ասեն:

- Դե ճիշտը այո-ն է:

- Բայց մարդիկ պետք է հասկանան` ինչու այո, կամ ինչու ոչ:

(Մի քանի վայրկյան դադար-խմբ.): Միանշանակ այո:

- Բայց ինչո՞ւ այո: Գոնե ձեզ համար ունե՞ք հիմնավորում:

- Ունեմ:

- Կասե՞ք` մենք էլ իմանանք:

- Չէ:

- Իսկ «ոչ»-ի ճակատին կհաջողվի՞ տապալել  այս գործընթացը:

- Իհարկե, կհաջողվի:

- Կհաջողվի տապալել գործընթա՞ցը…

- Գործընթացը չէ: Իհարկե, կհաջողվի, որ «այո»-ն անցնի:

-Իսկ «ո՞չ»-ը:

- Չեմ կարող ասել:

- Ձեր ընտրատարածքի ընտրողները ծանո՞թ են, կարդացե՞լ են նոր սահմանադրությունը եւ ընդհանրապես ի՞նչ տրամադրվածություն ունեն այս գործընթացի հանդեպ:

- Կա եւ «ոչ»-ի ճակատ, եւ «այո»:

- Ո՞րն է ավելի ակտիվ:

- Ինձ թվում է «այո»-ն:

- Դուք համոզում եք, որ «այո՞» ասեն նոր սահմանադրությանը:

- Այո:

- Բայց չեք ասում` ինչո՞ւ պետք է «այո» ասեն:

- Շնորհակալություն:

 

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ