Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

Հայկ Բաբուխանյանը Հայաստանում ԱՄՆ դեսպանին կոռեկտության կոչ է անում

Արխիվ 12-16

Հայկ Բաբուխանյանը Հայաստանում ԱՄՆ դեսպանին

կոռեկտության կոչ է անում

 

Հայաստանում օտարերկրյա դեսպանները պետք է մնան կոռեկտության շրջանակներում: Անթույլատրելի է, որ նրանք միջամտեն Հայաստանի ներքին գործերին: NewsBook-ի թղթակցի հետ զրույցում նման տեսակետ հայտնեց ՀՀԿ խմբակցության պատգամավոր Հայկ Բաբուխանյանը՝ անդրադառնալով Հայաստանում ԱՄՆ դեսպան Ռիչարդ Միլսի երեկ հնչեցրած այն տեսակետին, որ կոռուպցիան մեր երկրում խաթարում է ոչ միայն տնտեսության զարգացումը, այլ ժողովրդավարությունն ու իրավունքի գերակայությունը: «Լավ կլիներ՝ Հայաստանում ԱՄՆ դեսպանը քննարկեր՝ ինչպես եղավ, որ ԱՄՆ դեսպանն Ադրբեջանում այդ երկիրն անվանում է ժողովրդավար: Սա այն դեպքում, երբ աշխարհի բոլոր երկրները քննադատում են Ադրբեջանի հակաժողովրդավարական դրսևորումները»,- ասաց նա: Հայկ Բաբուխանյանի խոսքով` պետք չէ, որ որևէ մեկը ՀՀ իշխանություններին հուշի՝ երկրում կոռուպցիա կա: «Մենք ինքներս գիտենք, որ այդ ոլորտում ամեն ինչ չէ, որ հարթ է: Առանց «բարի խորհուրդների» մենք ինքներս գիտենք՝ ինչ է կատարվում: Պայքարը կոռուպցիայի դեմ գնում է: Իհարկե, անձամբ ես կցանկանայի, որ այդ պայքարն ավելի արդյունավետ լիներ, բայց ունենք այն, ինչ ունենք: Միաժամանակ, մենք չենք բավարարվում մեր ունեցածով: Մենք աշխատում ենք, պայքարում ենք, որպեսզի այդ բացասական երևույթը նվազի»,- հավաստիացրեց նա:

Ամփոփելով՝ ՀՀԿ-ական պատգամավորն ընդգծեց, որ կոռուպցիան Հայաստանում այսօր չէ, որ սկիզբ է առել: Կաշառակերությունն, ըստ նրա, եղել է և՛ խորհրդային տարիներին, և՛ ՀՀՇ-ի ղեկավարման տարիներին, իսկ ՀՀ երկրորդ նախագահ Ռոբերտ Քոչարյանի ղեկավարման տարիներին օլիգարխիկ դրսևորումներ են ստացել:

Հավանեցի՞ր հոդվածը, կիսվիր ընկերներիդ հետ