«ԲՈԼՈՐ ԵՐԳԵՐԸ ՉԵՆ, ՈՐ ԹՈՒՅԼ ԵՆ ՏԱԼԻՍ ԳՈՐԾԻՔԱՎՈՐԵԼ ԺԱՄԱՆԱԿԱԿԻՑ ՄՈՏԵՑՄԱՄԲ»
Արխիվ 12-16
«ԲՈԼՈՐ ԵՐԳԵՐԸ ՉԵՆ, ՈՐ ԹՈՒՅԼ ԵՆ ՏԱԼԻՍ ԳՈՐԾԻՔԱՎՈՐԵԼ ԺԱՄԱՆԱԿԱԿԻՑ ՄՈՏԵՑՄԱՄԲ»
«Հայաստանի գուսանական եւ ժողովրդական երգի պետական անսամբլի» մեներգչուհի ԵՎԱ ԵԳԱՆՅԱՆՆ իրար հաջորդող նոր տեսահոլովակներով վերջին շրջանում ակտիվ հանդես է գալիս որպես անհատ կատարող: Օրերս երգչուհին հայ հանդիսատեսին ներկայացրեց իր 4-րդ տեսահոլովակը` Շերամի` «Սերից էրված» երգի հիման վրա:
Երգչուհին խոսելով երգի ու տեսահոլովակի իրականացման համար իր շուրջը հավաքված գործընկերների նշեց, որ կարեւոր չէ հայտնիությունը, կարեւոր է պրոֆեսիոնալիզմը. «Իմ կողքին միշտ լինում են ե՛ւ հայտնիներ, ե՛ւ պրոֆեսիոնալներ: Շնորհակալ եմ այն մեծ թիմին, որի հետ աշխատեցի: Երգը
գործիքավորել է Խաչիկ Սահակյանը: Նվագել են պրոֆեսիոնալ երաժիշտներ, իսկ երգչախմբի հատվածում երգել են պրոֆեսիոնալ երգիչներ: Երգն ի սկզբանե նախատեսված էր տեղ գտնել իմ ձայնասկավառակի մեջ, բայց երգի վերջնական տարբերակը լսելուն պես որոշեցի անպայման նկարահանել տեսահոլովակ: Տեսահոլովակի ռեժիսորն է Վասիլ Շահբազյանը»,- ներկայացրեց Եվան` առանձնահատուկ շեշտադրությամբ խոսելով հանրությանը հայտնի ժողովրդական ու աշուղական գործերը ժամանակակից ոճով մատուցելու մասին. «Բոլոր երգերը չեն, որ թույլ են տալիս գործիքավորել ժամանակակից մոտեցմամբ: Կան երգեր, որոնք պետք է ուղղորդվեն միայն
ժողովրդական նվագարանների ուղեկցությամբ: Բայց նաեւ կան երգեր, որոնք հնարավորություն են տալիս գործիքավորել նորովի, ժամանակակից մոտեցմամբ` չդիպչելով, չաղավաղելով երգի բուն մեղեդին»:
Առաջիկայում նոր ծրագրերի եւ հատկապես համերգի մասին ասաց. «Երբեք չեմ սահմանափակվել կամ սահմանափակվի որեւէ նոր աշխատանքով: Առաջիկայում կան համերգներ, կթողարկվի իմ 1-ին ձայնասկավառակը, կան պլաններ` կապված նաեւ նոր տեսահոլովակի հետ: Անպայման կունենամ մենահամերգ, սակայն կոնկրետ ժամկետ չեմ ուզում նշել»:
ԼԻԼԻԹ ԵՂԻԱԶԱՐՅԱՆ
Բաժանորդագրվե՛ք https://t.me/iravunk
1
18002 դիտում
2
11109 դիտում
3
2306 դիտում
4
1551 դիտում
5
1491 դիտում
2
17643 դիտում
4
8026 դիտում
5
4094 դիտում
4
8267 դիտում
