ՖԻԼՄԵՐԻ ՄՈՒՏՔՆ ԱՆՎՃԱՐ Է, ԲԱՅՑ ԸՆԹԱՆՈՒՄ Է ԿԻՍԱԴԱՏԱՐԿ ԴԱՀԼԻՃՈՒՄ

ՖԻԼՄԵՐԻ ՄՈՒՏՔՆ ԱՆՎՃԱՐ Է,

ԲԱՅՑ ԸՆԹԱՆՈՒՄ Է ԿԻՍԱԴԱՏԱՐԿ ԴԱՀԼԻՃՈՒՄ

«Ռոլան Բիկով»-ի անվան կինոյի եւ  հեռուստատեսության զարգացման հայկական հիմնադրամն արդեն 11-րդ անգամ Երեւանում անցկացնում է «Ռոլան» Մանկապատանեկան ֆիլմերի միջազգային փառատոնը: Այս տարի այն նվիրված է Հայող ցեղասպանության 100-րդ տարելիցին: ՀՀ նախագահի, ՀՀ մշակույթի նախարարության եւ Երեւանի քաղաքապետարանի աջակցությամբ նոյեմբերի 7-11-ը  կինոթատրոններում ցուցադրվում են ավելի քան 145 ֆիլմ, ընտրված 4 տասնյակ երկրներից` բացառապես բարեգործական հիմունքներով:

Նոյեմբերի 9-ին «Մոսկվա» կինոթատրոնում  ցուցադրվեց  ռեժիսոր Սա Յեոնդոնգի կորեական «Sickos» ֆիլմը, այն պատմում է քաղցկեղով հիվանդ 3 դեռահաս տղաների մասին,  որոնք չունենալով ոտքեր եւ շարունակաբար ստանալով քիմիայթերապիայի կուրսեր, այնուամենայնիվ, կարողանում են ուժ գտնել ժպտալու համար: Ֆիլմն ունի  ոչ միայն դաստիրակչական, այլ նաեւ հոգեպես ուժեղ լինելու, դժվարությունները հաղթահարել կարողանալու միտումներ: Ֆիլմը կցուցադրվի նաեւ փառատոնի փակման օրը` նոյեմբերի 11-ին:

Չնայած փառատոնի շրջանակներում ֆիլմերի մուտքն անվճար է, բայց ցավով փաստենք` դրանք ընթանում են կիսադատարկ դահլիճներում:

Ի դեպ, ֆիլմերը ցուցադրվելու են ոչ միայն Երեւանում, այլ նաեւ մարզերում,  Արցախում եւ Ջավախքում:

ՄԱՐԻԱՆՆԱ ՍԱՄՍՈՆՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝