ՀԱՂԹԱՆԱԿԻ ԱՆԻՎԸ «ՋԱՎԱԽՔԻ» ԿՈՂՄԸ ՊՏՏՎԵՑ

ՀԱՂԹԱՆԱԿԻ ԱՆԻՎԸ «ՋԱՎԱԽՔԻ» ԿՈՂՄԸ ՊՏՏՎԵՑ

Օրերս ԵԻՊՔ-ում տեղի ունեցավ թվով 2-րդ ներքոլեջային ֆուտբոլային առաջնության մրցանակաբաշխությունը, որը կազմակերպեց եւ պատշաճ կերպով անցկացրեց ՄԱՐՏԻՆ ՂԱՐԻԲՅԱՆԸ: Արդեն ավանդական դարձած անվանակարգերն ու տիտղոսները նույնն էին, իսկ հաղթողները` տարբեր:

Ամենասկզբում նախ եղավ ծանոթություն նախորդ եւ այս մրցաշարների տարբերությունների մասին, որից հետո ներկաները դիտեցին ֆուտբոլային տեսանյութ: Եվ այսպես`

4-րդ տեղը գրավելու համար պատվոգրի արժանացավ «Չեմպիոնս» /332խումբ./ թիմը: Անցած տարվա չեմպիոնն այս տարի բավարարվեց առանց մեդալի, սակայն, մասնակիցները պնդում են, որ նույնը թույլ չեն տա հաջորդ տարի:

3-րդ տեղը զբաղեցրած «Ազավրեթ» /411խումբ./ թիմն արժանացավ բրոնզե մեդալի: Անցած տարի նույնիսկ խմբային փուլի արգելքը չհատած ՖԱ 411-ը այս տարվա հայտնությունն էր: Միգուցե մյուս տարի նրանք կլինեն փառքի պատվավոր աստիճանին, սակայն կարեւորը մեդալի կարգը չէ, այլ մասնակցությունը եւ հաճույք ստանալը սիրելի սպորտաձեւից:

2-րդ տեղը բաժին հասավ «Վիններս» թիմին, ովքեր արժանացան արծաթե մեդալի: Նախորդ տարվա 4-րդ տեղը գրաված թիմը, իրենց վերջին ներքոլեջային առաջնությունը ավարտեցին արծաթե մեդալով:

1-ին պատվավոր տեղում «Ջավախք» թիմն էր: Ոսկե մեդալի արժանացած «Ջավախքը» երկու ներքոլեջային առաջնություններում միակ թիմն էր,որ երկու մեդալ է կորզել: Ի դեպ, երկուսն էլ հաղթական` բրոնզե եւ ոսկե:

Հիշեցնենք, որ ֆուտբոլային հանդիպումների մրցավարը Հարություն Աբովյանն եղել: «Ջավախքն» անցած տարի պարտվել էր «Չեմպիոնսին» 9-6 հաշվով,սակայն այս տարի պայքարն ուրիշ էր: 9-9 հաշվով ավարտվեց այս մրցաշարի խաղը, բայց 11 մետրանոց հարվածաշարը հաղթանակի անիվը «Ջավախքի» կողմը պտտվեց: Եզրափակիչն, ուղղակի, «Ջավախքի» տարերքն էր:Թարմացված կազմը կարողացավ անցած տարվա 3-րդ տեղից «Ջավախքի» սայլը բարձրացնել մինչեւ պատվո վերին աստիճանի:

Հավելենք նաեւ, որ մրցանակաբաշխության ժամանակ անհատական մրցանակների արժանացան հետեւյալ ուսանողները`

Տիտոյան Հակոբ/Ազավրեթ/-29 գոլ-Լավագույն ռմբարկու

Դալիբալթյան Արսեն/Ջավախք/ - Լավագույն խաղացող

Յէրանոսեան Յովհաննես/Չեմպիոնս/ - Լավագույն դարպասապահ

Իսկ շնորհակալագրերի արժանացան ԵԻՊՔ 461խմբի ուսանողներ Սուրեն Խառատյանը եւ Միքայել Ջիլավյանը այս առաջնությանը ակտիվ աջակցության համար:

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝