ԿՈՒՐԹԱՆ ԳՅՈՒՂԻ ԵՐԻՏԱՍԱՐԴՆԵՐԸ «ՀԱՆՈՒՆ ԽԱՂԱՂՈՒԹՅԱՆ»
Արխիվ 12-16
ԿՈՒՐԹԱՆ ԳՅՈՒՂԻ ԵՐԻՏԱՍԱՐԴՆԵՐԸ «ՀԱՆՈՒՆ ԽԱՂԱՂՈՒԹՅԱՆ»
Հոկտեմբերի 10-ին Հայ Առաքելական Սուրբ եկեղեցու Գուգարաց թեմի առաջնորդ Գերաշնորհ Տ. Սեպուհ արքեպիսկոպոս Չուլջյանի օրհնությամբ` Կուրթան գյուղի միջնակարգ դպրոցում տեղի է ունեցել «Հանուն խաղաղության» ծրագրի առաջին հանդիպումը, որի ընթացքում «Քրիստոնեությունն ու խաղաղությունը» թեմայի շուրջ բանախոսությամբ հանդես է եկել տարածաշրջանի հոգեւոր հովիվ Արժանապատիվ ՏԵՐ ՄԵՐՈՒԺԱՆ քահանա ՍՈՂՈՅԱՆԸ: Այնուհետեւ ծրագրի պատասխանատուները ներկայացրել են ծրագրի ողջ ընթացքը, լսել պատանիներին հուզող հարցերը եւ տվել սպառիչ պատասխաններ: «Իրավունքի» հետ զրույցում ծրագրի պատասխանատու ՎԱՀԵ-ԴԱՎԻԹ ԽԱՉԻԿՅԱՆՆ ասաց հետեւյալը. «Ծրագիրը նպատակ ունի Լոռու մարզի
Կուրթան եւ Վարդաբլուր համայնքների պատանիներին ցույց տալ քրիստոնեական խաղաղասիրության ու խաղաղ հարեւանության կարեւորությունը, նրանց շրջանում սերմանել խաղաղասիրական գաղափարներ` նպաստելով 14-16 տարեկանների շրջանում խնդիրների խաղաղ կարգավորման նախընտրելիության մակարդակի բարձրաացմանը: Ծրագրի առաջնային նպատակն է շահառուներից յուրաքանչյուրին ցույց տալ, որ ցանկացած խնդրի կարգավորման լավագույն տարբերակը խաղաղ կարգավորումն է», - հավելեց մեր զրուցակիցը:
Ի դեպ, նշենք, որ ծրագիրը շարունակական բնույթ է կրելու եւ այն լայն արձագանք է գտել ոչ միայն Կուրթան գյուղում, այլ նաեւ հարեւան համայնքներում:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
18055 դիտում
2
11109 դիտում
3
2306 դիտում
4
1551 դիտում
5
1504 դիտում
2
17643 դիտում
4
8026 դիտում
5
4094 դիտում
4
8267 դիտում
