«ՍԵՐՆԴԱՓՈԽՈՒԹՅՈՒՆՆ ԱՅՍ ԹԱՏՐՈՆՈՒՄ ՃԻՇՏ ԿԱՏԱՐՎԵՑ»
Արխիվ 12-16
«ՍԵՐՆԴԱՓՈԽՈՒԹՅՈՒՆՆ ԱՅՍ ԹԱՏՐՈՆՈՒՄ ՃԻՇՏ ԿԱՏԱՐՎԵՑ»
Հոկտեմբերի 31-ին 1935 թվականին հիմնադրված Կապանի Ալ. Շիրվանզադեի անվան պետական դրամատիկական թատրոնը նշեց 80-ամյա հոբելյանը: Թատերական այս վառ իրադարձությանը ներկա էին մեծանուն արտիստներ, թատերական գործիչներ, պետական եւ զինվորական այրեր, Սյունիքի մտավորականության ընտրանին:
Թատերական գործիչների միության նախագահ ՀԱԿՈԲ ՂԱԶԱՆՉՅԱՆԸ շնորհավորելով ներկաներին` նշեց, որ ինքն անբաժան է այս քաղաքից ու թատրոնից: ՀԹԳՄ նախագահը կարեւորեց նաեւ տեղական իշխանությունների դերը մարզային թատրոնների գոյատեւման հարցում:
Խոսելով թատրոնի ձեռքբերումների մասին` Հ. Ղազանչյանն ընդգծեց. «Այս թատրոնի գլխավոր ձեռքբերումն այն է, որ Երեւանի թատրոնի եւ կինոյի պետական ինստիտուտին կից Կապանում բացվեց դերասանական կուրս, որը մեծ ջանասիրությամբ ղեկավարում է մեր տաղանդավոր գործընկերներից` ՀՀ ժողովրդական արտիստ, պրոֆեսոր Հրաչյա Գասպարյանը: Այս հրաշալի երիտասարդները, որոնք հավաքվել են այդ կուրսում, արդեն այս թատրոնի դերասաններն են: Նրանք շատ որոշակիորեն մեզ ասում են, որ թատրոնի ապագան կա, եւ թատրոնը շարունակելու է ժամանակին համընթաց ապրել եւ աշխատել: Անշուշտ, չեմ կարող թերագնահատել այն դերասաններին, որոնք արդեն երկար տարիներ այս թատրոնի մշակներն են: Նրանց հետ ինքս էլ պատիվ եմ ունեցել աշխատել: Ցավոք սրտի, ոմանք այլեւս մեզ հետ չեն: Կասկած չունեմ, որ սերնդափոխությունն այս թատրոնում շատ ճիշտ կատարվեց եւ իր արդյունքները մոտ ապագայում տալու է»,- վստահեցրեց Հ. Ղազանչյանը:
ԼԻԼԻԹ ԵՂԻԱԶԱՐՅԱՆ
Բաժանորդագրվե՛ք https://t.me/iravunk
1
18102 դիտում
2
11115 դիտում
3
2306 դիտում
4
1551 դիտում
5
1504 դիտում
2
17643 դիտում
4
8026 դիտում
5
4094 դիտում
4
8267 դիտում
