Զարմացած

Ինչ ուզում եք ասեք, բայց զարմանալիորեն ԼՅՈՎԻԿ ԶՈՒՐԱԲՅԱՆԸ եւ ձախորդությունը իրարից անպակաս են: Այսպես, Ռուսաստանի Դաշնային խորհրդի նախագահ Վալենտինա Մատվիենկոյի հետ պատգամավորների հանդիպման ժամանակ Լ. Զուրաբյանը նրան կոչ արեց հորդորել ՀՀ իշխանություններին չանցկացնել սահմանադրական փոփոխություններ: Ի պատասխան դրա` Մատվիենկոն շատ դաժան «պորտատեղադրում» կատարեց. «Որեւէ երկիր իրավունք չունի միջամտելու այլ երկրի ներքին գործերին: Դա բացառապես, սուվերեն, ինքնիշխան Հայաստանի ներքին գործն է, եւ Ձեր քաղաքացիներն են որոշելու` ընդունել այդ փոփոխությունները, թե` ոչ»: Սակայն Լյովիկը զարմանալիորեն շարունակեց թեման եւ զարմանալիորեն մեջբերում արեց Պուտինի մի քանի տարվա վաղեմության հայտարարությունից: Ի պատասխան դրա` Վալենտինա Մատվիենկոն նշեց, որ Պուտինը դա ասել է Ռուսաստանի Սահմանադրության համար եւ վերահաստատեց, որ յուրաքանչյուր երկիր ինքն է որոշում` անել սահմանադրական փոփոխություններ, թե` ոչ, իսկ վերջին խոսքը պատկանում է ժողովրդին: Դե արի ու այդ Ձախորդ Փանոսին բացատրիր, որ օտարերկրյա պաշտոնյայից սեփական երկրի գործերին միջամտել խնդրելը վերին աստիճանի ամոթալի արարք է, որից մինչև դավաճանություն կես քայլ է:

Իսկ «Ժառանգության» փոխնախագահ ԱՐՄԵՆ ՄԱՐՏԻՐՈՍՅԱՆԻ պերճախոսությունը բացվել էր Ազատության հրապարակում. «Սուտ է, որ ընդդիմությունը միասնական չէ, բոլորս միասին համախմբված աշխատում ենք, մենք անընդհատ կոնսուլտացիաների մեջ ենք, մենք ընթանում ենք միասնական գործողություններ անելու ճանապարհով»: Բայց զարմանալիորեն պարզվեց, որ ապարանցի Մարտիրոսյանը գլուխգովանությամբ կարող է ցանկացած գյումրեցու նախանձը շարժել. «Միասնական գործողություններ պետք է սկսենք դեկտեմբերի 1-ից: Հայաստանը ավելի լուրջ մարտահրավերների առջեւ է կանգնած, ու դրա համար մենք պետք է հիշենք մի բան` աշխարհում ոչ մի երկրում մեկ օրում իշխանափոխություն չի եղել, մարդիկ դարերով են պայքարել իրենց ազատության համար: Բայց մեզ հնարավորություն է ընձեռվել կարճ ժամանակամիջոցում վերագտնել մեր ազատությունը: Մեզանից մեկ բան է պահանջվում` վստահություն մեր ուժերի նկատմամբ եւ այդ դեպքում` ոչ նոր Սահամանդրությանը»: Լավ, ինչպե՞ս պետք է մի քանի օրում «միասնաբար» իրականացնեք այն, ինչը տարիներ շարունակ չեք կարողացել: Թե՞ ամերիկյան հրահանգիչներն են ասել, որ դեկտեմբերի 1-ից պետք է սկսել միասնական գործողությունները, քանզի գիտեն` եթե «ոչ»-ի կողմնակիցներն ավելի շուտ սկսեն, ապա մինչև հանրաքվեի օրը կհասցնեն իրար միս ուտել:
Եվ վերջապես` պոզիտիվ լուր ԻՏԱԼԻԱՅԻՑ: Ինչպես հայտնի է, Իտալիայում համասեռամոլական ամուսնությունների գրանցումները ժամանակին մերժվում էին, սակայն Եվրադատարանը քաղաքապետերին եւ վարչակազմերի ղեկավարներին իր վճռով պարտավորեցրեց գրանցել դրանց: Եվ ահա Իտալիայի Պետական խորհուրդը զարմանալի եւ ողջունելի խիզախություն եւ սկզբունքայնություն դրսեւորեց` իր որոշումով չեղյալ հայտարարելով բոլոր, թվով մի քանի հարյուր միասեռական ամուսնությունները: Մնում է միայն ողջունել իտալացիներին, որ հենց Եվրոպայի կենտրոնում, լինելով փոքր երկիր, աղբարկղը նետեց հիմնական «եվրաարժեքը»` պեդերաստների «ամուսնական» իրավունք կոչեցյալը: Վիվա Իտալիա:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝