Մահացել է երգչուհի Աիդա Սարգսյանի մայրը. «ԱՆԳՐԱԳԵՏ ԲԺԻՇԿՆԵՐԻ ԹԵԹԵՎ ՁԵՌՔՈՎ ԻՄ ՄՈՐՆ ԱՐՆԱՔԱՄ ԱՐԵՑԻՆ»
Արխիվ 12-16
Մահացել է երգչուհի Աիդա Սարգսյանի մայրը. «ԱՆԳՐԱԳԵՏ ԲԺԻՇԿՆԵՐԻ ԹԵԹԵՎ ՁԵՌՔՈՎ ԻՄ ՄՈՐՆ ԱՐՆԱՔԱՄ ԱՐԵՑԻՆ»
Նոյեմբերի 1-ին մահացել է ԱԻԴԱ ՍԱՐԳՍՅԱՆԻ մայրը, եւ պատճառը, ըստ երգչուհու, բժիշկների սխալ միջամտությունն է եղել: Այս մասին Ա. Սարգսյանը ժամեր առաջ իր ֆեյսբուքյան էջում գրել է. «Շատ շնորհակալ եմ բոլորից, որ կիսում եք ինձ հետ իմ վիշտը, շատ դաժան է մայր կորցնել անժամանակ, բայց ավելի ցավալի է, որ ինքն իր մահով չի մահանում, այլ անգրագետ բժիշկների թեթեւ ձեռքով իմ մորն արնաքամ արեցին` գաստրասկոպիայի ժամանակ վնասելով անոթը, որից հետո մայրս երկու օր անդադար արնահոսեց եւ ես կորցրեցի նրան: Անհեթեթ մահ, այդ տականք եւ անգրագետ բժիշկները փորձում էին իրենց սխալը կոծկելու համար ուրիշ դիագնոզ ինձ ասել, բայց այսօր դիահերձումից հետո կրկին պարզվեց, որ իմ մորը արնաքամ են արել: Ես շատ մեծ դժվարությամբ եմ գրում, տեղս չեմ գտնում, որ անգրագետ բժիշկների պատճառով առողջ մարեց իմ երիտասարդ մայրս, որ իմ կյանքն էր, իմ աշխարհն էր, իմ ամեն ինչն էր, այլեւս ինձ հետ չէ: Վաղը իմ մոր հոգեհանգիստն է…»:
Կորուստն, իսկապես, անդառնալի է, անկախ հանգամանքներից, ուստի` ցավակցում ենք սիրելի երգչուհուն եւ համբերություն մաղթում նրան եւ իր հարազատներին: Ի դեպ, այս ցավալի կորստի մասին գրելիս, հիշեցինք, թե ինչպիսի սիրով ու ջերմությամբ էր մշտապես Աիդա Սարգսյանն իր հարցազրույցներում անդրադառնում մորը: Եվ այսպես մեզ հետ զրույցներից մեկի ժամանակ երգչուհին ասել է. «Փառք Աստծո, որ ունեմ հիասքանչ մայրիկ՝ ինձ համար առաջին օգնականը: Ե՛ւ մինչ բալիկիս ծնվելը, ե՛ւ ծնվելուց հետո էլ, չզգացի կտրուկ փոփոխություն: Ամենադժվար պահին միշտ մայրիկս կողքիս է եղել ու չեմ տրտնջացել, չեմ նեղվել երբեք: Անհոգ, առանց մտածելու կարող եմ բալիկիս թողնել մայրիկիս մոտ: Գիտեմ, որ իրենք իրար սիրում են, մեծ հաճույքով միմյանց հետ շփվում են: Իմ բացակայություն էլ անգամ չեն զգում, երբ քաղաքից դուրս համերգների եմ լինում»: Այո, կատարվածը որքան ծանր է Աիդա Սարգսյանի համար, կրկնակի մեծ հարված է նաեւ նրա դստեր` փոքրիկ Սոնա-Լանայի համար, ով այդքան կապված էր սիրելի տատիկի հետ:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
18230 դիտում
2
11115 դիտում
3
2306 դիտում
4
1551 դիտում
5
1510 դիտում
2
17643 դիտում
4
8026 դիտում
5
4094 դիտում
4
8267 դիտում
