ԹԵՒՈՍԻԿԻ ԵՂԲՈՐ ՍՊԱՆՈՒԹՅԱՆ ՄԵՋ ՄԵՂԱԴՐՎՈՂ ԻՍՈՆ «ԲԱՑԱՌՎԱԾ Է» ՈՐ ՀԱՑԱԴՈՒԼ ՀԱՅՏԱՐԱՐԻ

ԹԵՒՈՍԻԿԻ ԵՂԲՈՐ ՍՊԱՆՈՒԹՅԱՆ ՄԵՋ ՄԵՂԱԴՐՎՈՂ

ԻՍՈՆ «ԲԱՑԱՌՎԱԾ Է» ՈՐ ՀԱՑԱԴՈՒԼ ՀԱՅՏԱՐԱՐԻ

Քրեական հեղինակություն համարվող Թեւոսիկի եղբոր՝ Արթուր Սաֆարյանի սպանության գործի շրջանակներում կալանավորված «Իսրայել Սարգսյանը չի պատրաստվում հացադուլ հայտարարել, դա բացառված է, հատկապես դատաքննության այս պահին հացադուլ անելը աբսուրդ է, չկա նման բան»,-iravunk.com-ի հետ զրույցում անդրադառնալով մամուլում շրջանառվող լուրերին, որ Իսոն պատրաստվում է հացադուլ հայտարարել` ի նշան քրեական գործի ապօրինությունների դեմ, ասաց Իսրայել Սարգսյանի փաստաբան Հեկտոր Սարդարյանը:

Փաստաբանը նշեց նաեւ, որ դատաքննության ընթացքում դեռ չեն հետազոտվել ապացույցները, ինչը ըստ, փաստաբանի.«կարծում եմ չի կարող հաշվի չառնվել դատարանի կողմից»:

Հիշեցնենք, որ Իսրայել Սարգսյանին մեղադրանք է առաջադրվել այն բանի համար, որ նա կազմակերպել եւ օժանդակել է Մովսես Ներսիսյանի կողմից Արթուր Սաֆարյանի սպանության կատարմանը, ապա այդ հանցանքը թաքցնելու նպատակով ապօրինաբար, դիտավորությամբ զրկել է կյանքից Մովսես Ներսիսյանին, բացի այդ, ապօրինի ձեռք է բերել եւ կրել է հրազեն հանդիսացող «ՏԿ» մոդելի ատրճանակ եւ ռազմամթերք հանդիսացող` 3 հատ 5.6 մմ տրամաչափի փամփուշտներ, ինչպես նաեւ ապօրինի ձեռք է բերել ու իր փաստացի բնակության վայր` ք. Երեւան Կոմիտասի պող. 27/1 շենքի բն. 7 հասցեին հարող տարածքում գտնվող ավտոտնակում առկա երկաթյա պահարանում պահել է ռազմամթերք հանդիսացող` նպատակային օգտագործման համար պիտանի, գործարանային արտադրության «ԷԴՊ» տեսակի էլեկտրական թով 4 հատ Ճայթիչներ եւ նետողական պայթուցիկ նյութերի շարքին դասվող` գործարանային արտադրության դեղնաշականակագույն եւ շականակագույն գլանաձեւ արկային վառոդի թվով 5 հատ հատիկներ:

ԻԼՈՆԱ ԱԶԱՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝