Տավուշի թեմի առաջնորդ. «ԴԻԼԻՋԱՆԸ ՀՈԳԵՎՈՐ ՆՈՐ ՇՆՉՈՎ Է ԱՊՐՈՒՄ»
Արխիվ 12-16
Տավուշի թեմի առաջնորդ. «ԴԻԼԻՋԱՆԸ ՀՈԳԵՎՈՐ ՆՈՐ ՇՆՉՈՎ Է ԱՊՐՈՒՄ»
Ինչպես տեղեկացանքՄայր Աթոռի տեղեկատվական համակարգից, այսօր հանդիսապետությամբ Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի, Տավուշի թեմի Դիլիջան քաղաքում տեղի է ունեցել կառուցվելիք եկեղեցու հողօրհնեքի հանդիսավոր արարողությունը: Իր խոսքում Տավուշի թեմի առաջնորդ Գերաշնորհ Տ. ԲԱԳՐԱՏ եպիսկոպոս ԳԱԼՍՏԱՆՅԱՆԸ` օրհնաբեր այցելության համար շնորհակալություն է հայտնել Նորին Սրբությանը: Սրբազանն ուրախությամբ ընդգծել է, որ Դիլիջան քաղաքը պատմական երկար ընդմիջումից հետո զարդարվելու է նոր աղոթատնով:
Այնուհետեւ Դիլիջան քաղաքի եկեղեցու կառուցման վայրում կատարվել է հողօրհնեքի արարողությունը: Կաթողիկոսի գլխավորությամբ հոգեւորականաց դասն աղոթել է կառուցվելիք եկեղեցու անսասանության եւ պայծառության համար: Սրբազան արարողության ավարտին, իր հայրապետական պատգամը ներկաներին է ուղղել Գարեգին Բ Ամենայն Հայոց Կաթողիկոսը` մասնավորապես ասելով. «Հոգու բերկրանոք այսօր կատարեցինք հողօրհնեքի արարողությունը Դիլիջանում կառուցվելիք եկեղեցու: Դարեր շարունակ Հայաստանի բոլոր բնակավայրերում եկեղեցական կառույցներ, 
աղոթավայրեր են հիմնվել մեր բարեպաշտ հայրերի ջանքերով՝ հավատացյալ հայորդիներին հոգատարություն եւ հոգեւոր խնամք ցուցաբերելու, Աստծո հետ հաղորդակցությունը մշտարթուն ու կենդանի պահելու համար»: Անդրադառնալով մարդկային կյանքում եկեղեցու կարեւոր առաքելությանը` Վեհափառ Հայրապետը հավելել է. «Եկեղեցին հուշարարն է մեր առաքելության՝ ապրելու Բարձրյալի կամքի ու պատվիրանների համաձայն, հեռու մնալու մեղքից ու չարիքից, ազգային-եկեղեցական մեր անդաստանում առատացնելու հայրենաշեն ու ազգաշեն աստվածահաճո ձեռնարկումները: Աստծո եւ Եկեղեցու հանդեպ հավատքի ամրությունը
գրավականն է եղել եւ շարունակելու է լինել մեր ժողովրդի գոյատեւման ու առաջընթացի, նոր ձեռքբերումների ամրագրման եւ հայոց լուսավոր, նոր գալիքի կերտման«: Հայրապետական այցն ու Սրբազան արարողությունը Բագրատ Սրբազանը համարում է հոգեւոր նոր կյանքի սկիզբ Դիլիջանում, ինչի մասին սիրով եւ աղոթքով գրել է հետեւյալը. «Այսօր ընդունեցինք Վեհափառ Հայրապետի շնորհաբաշխ եւ օրհնաբեր այցելությունը մեր թեմ` Տավուշ աշխարհ, ում ձեռամբ օրհնվեց նոր կառուցվելիք եկեղեցու հողը: 
Շնորհակալություն մեր մարզային եւ քաղաքային իշխանություններին, մեր բարերարներին, ճարտարապետին եւ բոլոր նրանց, ովքեր մասնակից են այս մեծ առաքելությանը: Շնորհավորում եմ Դիլիջանի տարածշրջանի անխոնջ հոգեւոր հովիվ Տեր Շավարշ քահանա Սիմոնյանին, ում ջանքերով եւ հոգածությամբ արդեն շուրջ հինգ տարիներ Դիլիջանը հոգեւոր նոր շնչով է ապրում: Եվ վերջապես շնորհավորություններ մեր դիլիջանցիներին եւ ամբողջ Տավուշ աշխարհի ժողովրդին, ովքեր քարեղեն շենքը վերածելու են հոգեւոր իրականության»:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
18386 դիտում
2
11135 դիտում
3
1560 դիտում
4
1522 դիտում
5
1486 դիտում
2
17649 դիտում
4
8043 դիտում
5
4100 դիտում
4
8276 դիտում
