ՍԵՅՐԱՆ ՍԱՐՈՅԱՆ. «ՈՂՋՈՒՆՈՒՄ ՈՒ ՍԱՏԱՐՈՒՄ ԵՄ ԵՐԿՐԻ ՆԱԽԱԳԱՀԻ ԱՅԴ ՔԱՅԼԸ»

ՍԵՅՐԱՆ ՍԱՐՈՅԱՆ. «ՈՂՋՈՒՆՈՒՄ ՈՒ ՍԱՏԱՐՈՒՄ ԵՄ

ԵՐԿՐԻ ՆԱԽԱԳԱՀԻ ԱՅԴ ՔԱՅԼԸ»

«Կտեսնեք, որ Սերժ Սարգսյանը կմնա պատմության մեջ, որպես  ճիշտ ժամանակին, ճիշտ ձեւով, ճիշտ Սահմանադրական բարեփոխումներ է ձեռնարկած նախագահ: Եվ ես շատ ուրախ եմ, որ սա հենց ինքը արեց, լիքը նախագահներ կգան ու կգնան, բայց մեր ներկայիս նախագահը կմնա պատմության մեջ, որպես միակ նախագահը, ով Հայաստանը ճիշտ ուղղու վրա դրեց, սա շատ կարեւոր բան է: Մեր նախագահը շատ խելացի անձնավորություն է, մի երկրի նախագահ, որ բոլոր մարզերի համայքները գիտի, բոլորին անձամբ ճանաչում է, չի կարող վատ ղեկավար լինել, դրա համար ես ողջունում ու սատարում եմ մեր երկրի նախագահի այդ քայլը»,- մեզ հետ զրույցում անդրադառնալով առաջիկայում սպասովող Սահմանադրական բարեփոխումների հանրաքվեին, ասաց ՀՀԿ խմբակցության պատգամավոր, գեներալ ՍԵՅՐԱՆ ՍԱՐՈՅԱՆԸ:

Ապա անդրադառնալով ընդդիմության հայտարարություններին ասաց.

- Գիտեք ինչ, այսօր բոլորը «այո»-ի ու «ոչ»-ի կռիվ են տալիս, բայց ոչ մեկ չի հիմնավորում, թե ինչու ոչ:  Ոչ մեկ էդ մեկնաբանությունը չի տալիս: Մենակ չենք ուզում` ոչ, ինչի՞ համար, ինչի՞ են ուզում անպայման նախագահ ունենա այս երկիրը: Էդ նույն ընդդիմությունը անընդհատ փնովում է նախագահին, հիմա  էլ նախագահը անցել է ժողովրդի կողմ, սրանք էլ անցել են չգիտեմ ում կողմը, իրենք էլ չգիտեն ինչ են ուզում: Մենակ խոսան, ժողովրդին ասեն` ասեք «ոչ» ու վերջ, բայց խի՞ ոչ, ու անձնավորում են` ինչը ամենավատն է: Մենակ սուտ երկու բառ ասեն ու կողքի քաշվեն: Բայց կտեսնեք, որ մեր երկրի նախագահը` Սերժ Սարգսյանը հավերժ կմնա մեր պատմության մեջ որպես լավ, օրինակելի ղեկավար: Դրա համար էլ ես ամեն կերպ պատրաստ եմ օգնել, աջակցել եւ միշտ «այո»-ի կողմն եմ: Որովհետեւ դրանով ժողովուրդը ճիշտ ուղղությամբ կգնա, թե չէ ում մտքով ինչ անցնում խոսում է, մի անգամ գոնե կարող ենք չէ միասնական լինել: Եթե Սերժ Սարգսյանը ցանկանար նորից գար իշխանության կամ իշխանությունը պահեր` մի քանի բան կփոխեր Սահմանադրության մեջ ու վերջ: Ավելին, կարող էր իրեն յոթ տարով նախագահ դարձնել, ինչպես ՌԴ նախագահ Վլադիմիր Պուտինը արեց, ու մի 14 տարի էլ վայելեր իր համար: Բայց մեր նա ասում է եկեք սարքենք նորմալ պետություն, պառլամենտական պետություն, որ վաղը-մյուս օրը մենք մեր պետության ձեռքը կրակը չընկնենք, բայց էդ մարդուն չեն լսում, ուղղակի ընդդիմությունը մեծ-մեծ խոսում է:

Հ.Գ. Այս թեմայի շարունակության, ինչպես նաեւ սահմանին տիրող իրավիճակի, ադրբեջանական բանակի փլուզման, ինչպես նաեւ, թե ինչպես Սիրայում տեղի ունեցող իրավիճակը կանդրադառնա մեր տարածաշրջանի վրա, գեներալի հետ հարցազրույցը ամբողջությամբ կարդացեք «Իրավունք» թերթի վաղվա տպագիր համարում:

ԻԼՈՆԱ ԱԶԱՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝