ԲՀԿ ՔԱՐՏՈՒՂԱՐԸ` ՆԻԿՈԼ ՓԱՇԻՆՅԱՆԻՆ. «ՉԻ ԿԱՐԵԼԻ ԺՈՂՈՎՐԴԻՆ ՆՄԱՆ ԿԵՐՊ ՎԵՐԱԲԵՐՎԵԼ...»
Արխիվ 12-16
ԲՀԿ ՔԱՐՏՈՒՂԱՐԸ` ՆԻԿՈԼ ՓԱՇԻՆՅԱՆԻՆ. «ՉԻ ԿԱՐԵԼԻ
ԺՈՂՈՎՐԴԻՆ ՆՄԱՆ ԿԵՐՊ ՎԵՐԱԲԵՐՎԵԼ...»
«Բոլոր նրանք, ովքեր հիմա ասում են, որ սահմանադրական փոփոխությունների տապալումը կկանխի Սերժ Սարգսյանի վերարտադրությունը, խաբում են ժողովրդին, լկտիաբար ստում են: Եվ նրանք, ովքեր ասում են, որ այսքան ժամանակ երկիր չենք դարձել, եւ սահմանադրական փոփոխություններով մենք շանս կունենանք երկիր դառնալու, նրանք նույնպես լկտիաբար ստում են»,- այսպիսի հայտարարություն է արել «Քաղաքացիական պայմանագիր» կուսակցության վարչության անդամ, ՀԱԿ պատգամավոր Նիկոլ Փաշինյանը:
ԲՀԿ խմբակցությունը կողմ է սահմանադրական բարեփոխումներին եւ առանձին քարոզարշավ է անցկացնելու: «Իրավունքը» ԲՀԿ խմբակցության քարտուղար Վահե Էնֆիաջյանից հետաքրքրվեց` ինչպես է արձագանքում սահմանադրական բարեփոխումներին «այո» ասող խմբակցության քարտուղարը: «Ես որեւէ գործչի խոսքերին չեմ ցանկանում արձագանքել, բայց մի բան պետք է արձանագրել` ՀՀ-ում քաղաքական մշակույթը դեռ ձեւավորման փուլում է, եւ քաղաքակիրթ գնահատականներն են ընկալելի բոլորի համար: Քիչ ժամանակ է մնացել հանրաքվեին: Երբ կլինեն հանրաքվեի արդյունքները, կհասկանանք` ինչ դիրքորոշում ունի հանրությունն այս հարցի վերաբերյալ»,- ասաց Էնֆիաջյանը:
Այնուամենայնիվ, ժողովրդին խաբելու խնդիր կա՞, որի մասին խոսել է Փաշինյանը: ԲՀԿ խմբակցության քարտուղարի խոսքով` չի կարելի ժողովրդին նման կերպ վերաբերվել, ասել` ժողովրդին խաբում են: «Դա սազական մոտեցում չէ: Երբ դու նսեմացնում ես, նման գաղափարներ ես տալիս, դու դրանով դիվիդենտներ կամ դրական տեղաշարժ չես ունենում»,- կարծում է պատգամավորը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
18346 դիտում
2
11135 դիտում
3
1560 դիտում
4
1522 դիտում
5
1476 դիտում
2
17643 դիտում
4
8026 դիտում
5
4094 դիտում
4
8267 դիտում
