Գալուստ Սահակյան.1999-ին տեղի ունեցած ոճրագործությունը մեծ ցավ է
Արխիվ 12-16
Գալուստ Սահակյան.1999-ին տեղի ունեցած
ոճրագործությունը մեծ ցավ է
Այսօր լրանում է 1999 թվականի հոկտեմբերի 27-ի ոճրագործության զոհերի 16-րդ տարելիցը: Ողբերգական իրադարձության տարելիցի կապակցությամբ այսօր առավոտյան Ազգային ժողովի նախագահ Գալուստ Սահակյանը, ԱԺ փոխնախագահներ Հերմինե Նաղդալյանը, Էդուարդ Շարմազանովը, պատգամավորները, զոհված պետական գործիչների հարազատները, ԱԺ աշխատակազմի ներկայացուցիչները եւ ԱԺ-ում հավատարմագրված լրագրողները հարգանքի տուրք են մատուցել հոկտեմբերի 27-ի ոճրագործության զոհերի հիշատակին:
Ներկաները ծաղիկներ են դրել ՀՀ ազգային հերոս Կարեն Դեմիրճյանի, ՀՀ ազգային հերոս Վազգեն Սարգսյանի, Յուրի Բախշյանի, Արմենակ Արմենակյանի, Ռուբեն Միրոյանի, Միքայել Քոթանյանի, Հենրիկ Աբրահամյանի, Լեոնարդ Պետրոսյանի հիշատակը հավերժացնող հուշակոթողի մոտ:
Լրագրողների հետ զրույցում ԱԺ նախագահ Գալուստ Սահակյանը նշել է, որ 1999-ին տեղի ունեցած ոճրագործությունը մեծ ցավ է, որը ժամանակի ընթացքում սպիանում, բայց երբեք չի անցնում:
Լռությամբ ու խոնարհումով հարգանքի տուրք մատուցելով անմեղ զոհերի հիշատակին՝ ներկաները եւս մեկ անգամ ընդգծել են նրանց մեծ ներդրումն ու նվիրումը հայոց պետականության կայացման գործում:
Այնուհետեւ ԱԺ նախագահը պատգամավորների ուղեկցությամբ եղել է Եռաբլուր պանթեոնում եւ Երեւանի Կոմիտասի անվան պանթեոնում, հարգել հոկտեմբերի 27-ի ոճրագործության զոհ դարձած ՀՀ ազգային հերոսներ Վազգեն Սարգսյանի եւ Կարեն Դեմիրճյանի հիշատակը:
Բաժանորդագրվե՛ք https://t.me/iravunk
1
18270 դիտում
2
11115 դիտում
3
2306 դիտում
4
1551 դիտում
5
1516 դիտում
2
17643 դիտում
4
8026 դիտում
5
4094 դիտում
4
8267 դիտում
