ՈՂԲԵՐԳԱԿԱՆ ԱՎՏՈՎԹԱՐ.ՄԱՀԱՑԵԼ Է ՀԱԿՈԲ ՀԱԿՈԲՅԱՆԻ (ԼԵԴԻ ՀԱԿՈԲ) ՔՐՈՋ ՈՐԴԻՆ

ՈՂԲԵՐԳԱԿԱՆ ԱՎՏՈՎԹԱՐ.ՄԱՀԱՑԵԼ Է ՀԱԿՈԲ

ՀԱԿՈԲՅԱՆԻ (ԼԵԴԻ ՀԱԿՈԲ) ՔՐՈՋ

ՈՐԴԻՆ

Երեկ՝ հոկտեմբերի 24-ին, խոշոր ու շղթայական ավտովթար է տեղի ունեցել Երևանում: Ժամը 23:30-ի սահմաններում Մյասնիկյան պողոտայում` «Արքայաձոր» ռեստորանային համալիրի դիմաց, բախվել են Mercedes E 350 մակնիշի 15 UՈ 111 համարանիշի, Mercedes c 180 մակնիշի 40 TD 001 համարանիշի, Toyota Corolla մակնիշի 19 VV 001 համարանիշի և Mercedes G 500 մակնիշի 70 AV 707 համարանիշի ավտոմեքենաները: Այս մասին հայտնում է դեպքի վայրից ֆոտոլրագրող Գագիկ Շամշյանը եւ հավելում, որ ոստիկաններն ու քննիչները պարզել են` Mercedes մակնիշի 15 ՍՈ 111 համարանիշի ավտոմեքենան վարել է Երևան քաղաքի Վարդաշեն 1-ին փողոցի բնակիչ, 20-ամյա Էրիկ Ուսուբյանը, Mercedes մակնիշի 40 TD 001 համարանիշի ավտոմեքենան վարել է Երևան քաղաքի Ռոստովյան փողոցի բնակիչ, 36-ամյա Լիպարիտ Տիգրանյանը: Պարզվել է նաև, որ մահացածը Երևան քաղաքի Ավան վարչական շրջանի Խուդյակով 3-րդ նրբանցքի բնակիչ, 40-ամյա Վահան Համբարձումյանն էր, ով, ըստ տեղեկությունների, եղել է Mercedes G500 մակնիշի ավտոմեքենայում` որպես ուղևոր: Դեպքի վայրում հավաքվածները ասում էին, որ մահացածի տղան ծառայում է Հայոց բանակում: Գիշերը ժամը 03:35-ի սահմաններում Սուրբ Գրիգոր Լուսավորիչ բժշկական կենտրոն է դիմել Երևան քաղաքի Ներքին Շենգավիթ 1-ին հանրակացարանի բնակիչ, 26-ամյա Վահրամ Մարդանյանը, ով հայտնել է, որ մարմնական վնասվածքները ստացել է ժամեր առաջ` Մյասնիկյան պողոտայում` Արքայաձոր ռեստորանի մոտ տեղի ունեցած ավտովթարից: Ֆոտոլրագրողը հայտնում է նաև, որ երեկ դեպքի վայրում մի տղամարդ, ով ներկայանում էր, որ Mercedes մակնիշի 40 TD 001 համարանիշի ավտոմեքենայի վարորդն է` ասում էր, որ BMW մակնիշի 99. 799 համարանիշի ավտոմեքենան, որի տառերը նա չի հիշում, վթարի մասնակից է եղել ու վթարից հետո դեպքի վայրից հեռացել է: Նա հայտարարում էր նաև, որ ինքը աշխատում է ՀՀ Պաշտապունության նախարարությունում:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝