ԱՐՄԵՆ ԳԵՎՈՐԳՅԱՆԸ ԿՆՇԱՆԱԿՎԻ ԱՄՆ-ՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱ՞Ն
Արխիվ 12-16
ԱՐՄԵՆ ԳԵՎՈՐԳՅԱՆԸ ԿՆՇԱՆԱԿՎԻ ԱՄՆ-ՈՒՄ ՀՀ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱ՞Ն
ՀՀ արտաքին գործերի նախարարի տեղակալ ՇԱՎԱՐՇ ՔՈՉԱՐՅԱՆԸ երեկ գործադիրի նիստից հետո` պատասխանելով այն հարցին, թե ինչպե՞ս եւ ինչո՞ւ հենց արեւմտյան կողմնորոշում ունեցող ՀՀ նախկին վարչապետ Տիգրան Սարգսյանը նշանակվեց ԵԱՏՄ կոլեգիայի նախագահի պաշտոնում, մանրամասնեց.
- Նախ, համաձայն ԵԱՏՄ համաձայնագրի, նախագահի տեղն այժմ պատկանում է Հայաստանին, քանի որ, ըստ այդ համաձայնագրի, այբբենական կարգով, պետք է հերթով այն 4 տարի ժամկետով ղեկավարվի պետությունների ներկայացուցիչների կողմից: Իսկ նախկին կոլեգիայի անդամները որոշակի պաշտոնավարման ժամկետ ունեին եւ փետրվարի մեկին ավարտվում է այդ լիազորությունները: Ավելին` երբ Հայաստանը անդամակցեց, որպեսզի այդ ժամկետը պահպանվի, մեր առաջին երեք նախարարի նշանակումը եղել է մինչեւ փետրվարի մեկը: Հիմա երկու որոշում պետք է կայացվեր, առաջինը` արդյոք շարունակելու են պետությունները երեքական ներկայացուցիչ ունենալ, քանի որ պայմանագրում ֆիկսված չէ թիվը ու այն վերապահված է բարձրագույն խորհրդին: Իսկ բարձրագույն խորհուրդը մի որոշում կայացրեց, որ պետք է երկուական լինեն` հաշվի առնելով, որ անդամ-երկրների թիվն արդեն 5-ն է: Բացի այդ, երեքական ներկայացուցիչ ունենալը ենթադրում է կառուցվածքի վերանայում, ինչպես նաեւ ծախսատար է: Եվ երկրորդ` քանի որ Հայաստանն է ղեկավարելու կոլեգիան, միաժանակ, նաեւ Հայասանի թեկնածությունը հաստատվեց եւ կարծում եմ` որ սա այն թեկնածությունն էր, որն անվիճելի էր բոլոր անդամ-պետությունների համար:
- Բայց ինչո՞ւ եք կարծում, թե այս թեկնածությունն անվիճելի էր բոլոր անդամ-պետությունների համար:
- Ինչու էր անվիճելի, հարցրեք անդամ-պետությունների ղեկավարին: Անվիճելի էր Տիգրան Սարգսյանի մակարդակով ու փորձով: Եվ ավելին` նրա հետ աշխատել են այդ երկրների ղեկավարները, մասնավորապես` Վ. Պուտինը վարչապետ եղած ժամանակ, ու հենց նրանք են Տ. Սարգսյանին բնութագրում որպես փայլուն մասնագետ:
- Պարոն Քոչարյան, խոսակցություններ են պտտվում այն մասին, որ Տ. Սարգսյանի կառավարության ժամանակ փոխվարչապետի պաշտոնը զբաղեցնող Արմեն Գեւորգյանն է փոխարինելու վերջինիս ԱՄՆ-ում ՀՀ արտակարգ եւ լիազոր դեսպանի պաշտոնում...
- Ներողություն, այդ հարցն ինձ չէ ուղղված, ես չեմ որոշում...
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
18270 դիտում
2
11115 դիտում
3
2306 դիտում
4
1551 դիտում
5
1516 դիտում
2
17643 դիտում
4
8026 դիտում
5
4094 դիտում
4
8267 դիտում
