Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

«Եթե Ռազը չլիներ, կարող է երգիչ չդառնայի»

Արխիվ 12-16

«Եթե Ռազը չլիներ, կարող է երգիչ չդառնայի»


«Արցախի ձայնը» նախագծի մասնակից, երգիչ ԴԱՎԻԹ ԱԴԱՄՅԱՆԸ հենդես է եկել նոր տեսահոլովակով` «Սերը իմ» վերնագրով, որն ավելի շատ հայ տաքսիստների մասին է: Երգի հեղինակը Վահրամ Պետրոսյանն է, իսկ երաժշտությունն եւ գործիքավորումը Դավիթը վստահել է Կարեն-Սեվակ փրոդաքշնին. «Քանի որ իմ առաջին աշխատանքն էր, պիտի կողքիս լինեին այնպիսի մարդիկ, երաժիշտներ, որոնց անվերապահորեն կվստաեի: Երբ երգն արդեն պատրաստ էր, տեսահոլովակը նկարահանեց ընկերս` ռեժիսոր Արտյոմ Աբովյանը, ու փառք Աստծո դեռ վատ, բացասական խոսքեր չեմ լսել»,- «Իրավունքի» հետ զրույցում ասաց երգիչն ու պարզաբանեց, թե ինչու որոշեց տաքսիստի սերերի մասին երգել. «Այնքան հաճախ եմ օգտվում տաքսիներից, որ որ նրանք հասցնում են ինձ բավականին զվարճալի գաղափարներ ու թեմաներ տալ, եւ ամեն անգամ ինձ հետաքրքրում է, թե տեսնես տաքսիստը մտքում ինչ է մտածում իր ուղեւորների մասին»:

Կատակերգի գաղափարը Դավիթին ստիպել են ոչ միայն տաքսիստները, այլ` ներկայիս երգարվեստի միապաղաղությունը. «Լավ, թե վատ, գրեթե բոլորին լսում եմ ու ինձ համար եզրահանգումներ անում: Ճիշտն ասած շատ են իրար նման երգերը, այդ պատճառով որոշեցի մի քիչ տարբերվել` հումորային, թեթեւ երգ ու տեսահոլովակ ներկայացնելով»,- պատմեց երգիչն ու հավելեց, որ բնավորությամբ կատակասեր լինելով չի սիրում ամեն ինչը բարդացնող մարդկանց. «Փորձում եմ բարդ իրավիճակներում էլ ինձ չկորցնել»:

«Իրավունքի» այն հարցին, թե ղարաբաղցի լինելն օգնո՞ւմ է հաստատվել երգարվեստում, քանի որ ունենք Անդրե ու Ռազմիկ Ամյան, Դավիթը մի լավ ծիծաղելուց հետո պատասխանեց. «Եթե Ռազը չլիներ, կարող է երգիչ չդառնայի, միշտ իր երգացանկի երգերն եմ երգում, մինչեւ իմ երգացանկը կունենամ: Էնպես որ փորձում եմ հետ չմնալ»,- եզրափակեց երգիչը:

 

ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ