ՆԱԽԱԳԱՀԱԿԱՆԻ ԱՐՁԱԳԱՆՔԸ` ԱՐՍԵՆ ԽՈՋՈՅԱՆԻ ՄՈՐ ԽՆԴՐԱՆՔԻՆ

ՆԱԽԱԳԱՀԱԿԱՆԻ ԱՐՁԱԳԱՆՔԸ` ԱՐՍԵՆ ԽՈՋՈՅԱՆԻ ՄՈՐ ԽՆԴՐԱՆՔԻՆ

Ադրբեջանում նախորդ տարի  գերի ընկած ու գերությունից ազատված Տավուշի մարզի Վերին Կարմիրաղբյուր գյուղի բնակիչ, 23-ամյա Արսեն Խոջոյանը բժիշկների  հսկողության տակ է: «Իրավունք»-ի հետ զրույցում  տիկին Սվետլանան ասաց, որ Արսենը չի աշխատում,  ապրում է  Հրազդանում` իր բարեկամներից մեկի տանը: «Բժիշկները մեզ ասացին, որ Արսենի առողջական վիճակը վատանում է, երբ նա գյուղ է գալիս` «Վերին  Կարմիրաղբյուր: Մեր գյուղի օդը սուր է եւ Արսենի առողջական վիճակի վրա այն բացասական է անդրադառնում»,- ասաց  տիկին Սվետլանան:

Արսենի համար փոքրիկ կացարանի խնդրանքով  Խոջոյանների ընտանիքը դիմել էր նախագահական, սակայն, որքան  կարողացել է հասկանալ նամակ բովանդակությունից տիկին Սվետլանան,  իրեն պատասխանել են` բնակարանով եւ կացարանով աջակցում են միայն Ադրբեջանից Հայաստան  գաղթած փախստականներին:

Տիկին Սվետլանայի խոսքով` մյուս որդին էլ առողջական խնդիրներ ունի: «Մի խոսքով` ամբողջ օրը հիվանդանոցներից տուն չեմ գալիս»,- ասաց Արսենի մայրը:

Գյուղատնտեսական աշխատանքների համար բանկից վերցրած վարկն էլ Խոջոյանների ընտանիքը դեռ չի մարել:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝