Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԳՅՈՒՂԱՏՆՏԵՍԸ`ԷԿՈՆՈՄԻԿԱՅԻ ՆԱԽԱՐԱՐՈՒԹՅԱՆ ԱՆԳՈՐԾՈՒԹՅԱՆ ՄԱՍԻՆ. «ԻՆՉՈՒ ԴԱՆԱԿԸ ՈՍԿՈՐԻՆ ՀԱՍՆԻ»

Արխիվ 12-16

ԳՅՈՒՂԱՏՆՏԵՍԸ`ԷԿՈՆՈՄԻԿԱՅԻ ՆԱԽԱՐԱՐՈՒԹՅԱՆ ԱՆԳՈՐԾՈՒԹՅԱՆ ՄԱՍԻՆ. «ԻՆՉՈՒ ԴԱՆԱԿԸ ՈՍԿՈՐԻՆ ՀԱՍՆԻ»

 

Վերջին շրջանում Էկոնոմիկայի  նախարարության հասցեին  հնչում են քննադատություններ գյուղատնտեսական խնդիրներն աչքաթող անելու եւ գյուղնախարարությանը միայնակ թողնելու մասին:  «Էկոնոմիկայի նախարարությունը ոչինչ էլ չի անում»,- վերջերս հայտարարեց  ԲՀԿ պատգամավոր Լյովա Խաչատրյանը:

Էկոնոմիկայի նախարարության  պասիվության մասին  «Իրավունք»-ի հետ զրույցում   խոսեց նաեւ  «Ագրարարագյուղացիական միավորում» ՀԿ-ի  նախագահ  Հրաչ Բերբերյանը:  «Դեռ հունիսին  մեր միավորումն ու գյուղատնտեսության նախարարությունը հայտարարել էինք, որ շատ լավ բերք ենք սպասում: Էկոնոմիկայի նախարարությունն էլ տեղյակ էր, որ  նվազել է հայկական  գինու ու կոնյակի արտահանումը: Տեղյակ էր նաեւ, որ խաղողի բերք է լինելու: Վերամշակող ընկերությունները  համագործակցում են նախարարության հետ, սակայն  պետական կառույցը միջոցներ չձեռնարկեց»,- ասաց «Ագրարարագյուղացիական միավորում» ՀԿ-ի  նախագահը:

Նախարարության անգործության պատճառով  այս ամռանը  խաղողագործները  ստիպված էին  ճանապարհ փակել եւ ստիպել կառավարությանը` քայլեր ձեռնարկել  խաղողի բերքի իրացման համար: «Բայց ինչու դանակը ոսկորին հասնի,  չեմ հասկանում»,- ասաց պրն Բերբերյանը:

Տպավորությունը, ըստ գյուղատնտեսի, այն է, որ  վերոնշյալ կառույցը միայն փոքր բիզնեսին է աջակցում: «Անցյալ ամիս  Նիժնի Նովգորոդում սերմացուի տոնավաճառ ունեիքն եւ  կարծում եմ` արտահանման համար մի 10.000 տոննա կարտոֆիլի պայմանագիր կբերեինք Հայաստան: Մինչդեռ էկոնոմիկայի նախարարությունը ասում է` միգուցե  ուրիշ աղբյուր գտնենք»,-մանրամասնում է  ՀԿ-ի նախագահը:

Գյուղացիների բերքի իրացման հարցում, ըստ Բերբերյանի,  ակտիվ  պետք է լինեն նաեւ մարզպետարանները, տարածքային կառավարման նախարարությունը: Վարչապետի հանձնարարականը կա կարտոֆիլի արտահանման հարցում: «Մեր կազմակերպությունը դիմել էր վարչապետին` ՌԴ-ին, Ղազախստանին սերմացու կարտոֆիլ վաճառելու խնդրանքով:  Վարչապետը հանձնարարական տվեց, սակայն Էկոնոմիկայի նախարարությունը պատասխանում է էկոնոմիկայի նախարարությունը չի կարող  խթանել կարտոֆիլի արտահանումը»,- եզրափակեց Հրաչ Բերբերյանը:

«Իրավունք»-ը էկոնոմիկայի փոխնախարար Գարեգին Մելքոնյանի հետ փորձեց զրուցել վերոնշյալ խնդրի  առնչությամբ, սակայն   «մի ուրիշ անգամ», «շտապում եմ», «հարցն ուղարկեք գրավոր » մահանաներով  վերջինս հրաժարվեց  խոսել:

Ի դեպ, էկոնոմիկայի նախարար Կարեն Ճշմարիտյանն էլ վերջերս կարծես խուսափում է լրատվամիջոցներին: Նախորդ քառօրյային  նախարարը հրաժարվեց   մեկ բառ փոխանակել մեր լրատվամիջոցի հետ:

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ