Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՀԱՅ ԴԵՐԱՍԱՆՈՒՀԻՆ ՀԱՆԴԵՍ Է ԵԿԵԼ ՍՏԱՄԲՈՒԼՈՒՄ

Արխիվ 12-16

ՀԱՅ ԴԵՐԱՍԱՆՈՒՀԻՆ ՀԱՆԴԵՍ Է ԵԿԵԼ ՍՏԱՄԲՈՒԼՈՒՄ

 

Ստամբուլի Շիշլիի մշակութային կենտրոնի դահլիճում Պատանի հանդիսատեսի թատրոնի դերասանուհի ՄԱՐԻԱՄ ՂԱԶԱՆՉՅԱՆԸ երկու օր` 680 տեղանոց լեփ-լեցուն հանդիսասրահում ներկայացրել է «Մարսել» մոնոներկայացումը: Ինչպես «Իրավունքին» փոխանցեց դերասանուհին, հանդիսատեսը ջերմ է ընդունել իր խաղը, հատկապես բարձր են գնահատել հոր` ներկայացման բեմադրիչ Հակոբ Ղազանչյանի ռեժիսորական մտահղացումը: Դերասանուհին նաեւ փոխանցեց, որ հյուրախաղերի հրավերն ստացել են Ստամբուլի Բոյալի Կուշ թատրոնի գեղարվեստական ղեկավար Ժալե Կարեբեկերիից:


«Իրավունքն» առաջիկայում կներկայացնի դերասանուհու հետ զրույցը, որտեղ նա կմանրամասնի Ստամբուլի հյուրախաղերի դժվարությունների, ձեռքբերումների եւ առաջիկա ծրագրերի մասին:


Իսկ մինչ այդ նշենք, որ «Մարսել» մոնոներկայացման երեւանյան առաջնախաղը կայացել է 2011-ին: Այն ցուցադրվել է ՊՀԹ-ի բեմում` «Արմմոնո» միջազգային թատերական փառատոնի շրջանակում: Մինչ օրս ներկայացումը մասնակցել է տարբեր միջազգային թատերական փառատոների:

«Մարսել» մոնոներկայացման հիմքում լեգենդար ֆրանսիացի երգչուհի Էդիտ Պիաֆի դառը ապրումներն են իր սիրեցյալ Մարսել Սերդանի ողբերգական մահից հետո: Հերոսուհին փորձում է կապ հաստատել հանդերձյալ աշխարհի հետ և ոգեհմայության միջոցով ետ կանչել Նրան: Նա աղոթում է և իրեն թվում է, թե խոսում է Մարսելի հետ: Նրա աղոթքը երգն է: Ներկայացման մեջ դերասանուհի Մարիամ Ղազանչյանը երգերը կատարում է դրամատիկ խաղի միջոցով (ներկայացման ընթացքում հնչում են 12 երգ Է. Պիաֆի երգացանկից): Ներկայացման մեջ հերուսուհու շուրթերից հնչում է միայն մեկ բառ` Մարսել…


ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ