ԲՀԿ ԳՈՐԾԱՐԱՐ ՊԱՏԳԱՄԱՎՈՐԻ «ՔԱՐՈԶԸ». «ՁԵՌՔԸ ԴՐԵՔ ԽՂՃԻՆ ՈՆՑ ՈՒԶՈՒՄ ԵՔ ՔՎԵԱՐԿԵՔ»

ԲՀԿ ԳՈՐԾԱՐԱՐ ՊԱՏԳԱՄԱՎՈՐԻ «ՔԱՐՈԶԸ». «ՁԵՌՔԸ

ԴՐԵՔ ԽՂՃԻՆ, ՈՆՑ ՈՒԶՈՒՄ ԵՔ ՔՎԵԱՐԿԵՔ»

«Իրավունքը» գրել էր, որ ԲՀԿ  գործարար  պատգամավոր Վահան Կարապետյանը  ԱԺ-ում նոր սահմանադրության տեքստի քվեարկությանը չէր մասնակցել:

«Իրավունք»-ի հետ զրույցում էլ սահմանադրության քվեարկությունից հետո  Վահան Կարապետյանը հստակ իր դիրքորոշում մասին չէր հայտնել: Արդեն ձեւավորվել են «Այո» եւ «ոչ»-ի ճակատներն ոու շտաբերը, սկսվել է քարոզարշավը: «Իրավունք»-ը ԲՀԿ-ական պատգամավորից պարզեց`  «այո»-ի քարոզարշավին կմասնակցի՞: «Այո»-ի՞»,- հարցին կարծես հարցով պատասխանեց գործարար պատգամավորը, ապա մի քանի վայրկյան մտորելուց հետո ասաց. «Ես մի անգամ ասել եմ, էլի եմ ասում` մեր երկրում կարեւորում եմ աշխատեղերի ստեղծումը, տնտեսության վերականգնումը, սահմանների անվտանգության հարցը եւ արտագաղթի խնդիրը, որն անցել է թույլատրելիի սահմանը: Սահմանադրությունը այս բաներից ոչ մեկին չի նպաստում, հետեւաբար ես անիմաստ եմ համարում»:

- Իսկ «Ոչ»-ի քարոզարշավին կմասնակցե՞ք:

- Ոչ «ոչ»-ի, ոչ էլ «այո»-ի:

- Բայց ԲՀԿ-ն ասել է «այո» սահմանադրությանը:

- Դե էնտեղ բազմակարծիք է: Շատերը «դեմ»-ի (նկատի ունի ոչ»-ի ճակատի-խմբ.) հետ են գնալու առաջ, մի մասն էլ ձեռնպահ է:

- Դուք որպես պատգամավոր դեկտեմբերի վեցին` նոր Սահմանադրության քվեարկության օրը  «ո՞չ» եք ասելու:

- Չգիտեմ էլ, գնալու եմ թե ոչ, բայց ես դա չեմ կարևորում:

- Դուք ձեր ընտրատարածքի ընտրողներին  ի՞նչ եք քարոզում` «այ՞ո» ասել, թե՞ «ոչ» ասել սահմանադրությանը:

- Ոչ մի բան էլ չեմ քարոզում: «Այո»-ն էլ, «Ոչ» էլ ունեն շտաբերը, կկազմակերպեն իրենց աշխատանքները: Աջափնյակում միայն ես չեմ, որ ԲՀԿ-ից եմ:

- Իսկ Ձեր ընտրատարածքի ընտրողները տեղյա՞կ են սահմանադրական բարեփոխումներից:

- Դե չեն էլ հետաքրքրվում: Նրանց չի հետաքրքրում ո՛չ «Այո»-ն, ո՛չ էլ «Ոչ-ը»:

- Իսկ եթե մեր քաղաքացիները Ձեզանից` որպես օրենսդիր մարմնի անդամի Ձեզանից  խորհուրդ հարցնեն նոր սահմանադրության մասին, ի՞նչ կասեք:

- Կասեմ, ձեռքը դրեք խղճին, գնացեք ոնց ուզում եք քվեարկեք, քանի որ վաղն ունենալու եք այն, ինչ ունենալու եք:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝