ՀԵՐԹԸ ՀԱՍԱՎ ԻԳԴԻՐԻ ՀԱՅԱՏԱՌ ՑՈՒՑԱՆԱԿՆԵՐԻՆ

ՀԵՐԹԸ ՀԱՍԱՎ ԻԳԴԻՐԻ ՀԱՅԱՏԱՌ ՑՈՒՑԱՆԱԿՆԵՐԻՆ

Օրերս Թուրքիայում հայկական մշակույթի եւ ընդհանրապես հայկականության դեմ դրսեւորվեց հերթական թշնամությունը: Այս անգամ հերթը Էրգրի քաղաքների հայատառ ցուցանակներինն էր:

Օրերս Թուրքիայում հայկական մշակույթի եւ ընդհանրապես հայկականության դեմ դրսեւորվեց հերթական թշնամությունը: Այս անգամ հերթը Էրգրի քաղաքների հայատառ ցուցանակներինն էր:
Նախօրեին Իգդիր նահանգի Թուզլուջա` պատմական Կողբ քաղաքի մուտքի կամարի ցուցանակի հայերեն «Բարի եկաք» եւ «Ցտեսություն» գրությունները «անհայտ անձանց» կողմից այնպես են վնասվել, որ այցելուները դժվար թե կարողանան կռահել, թե նախկինում ցուցանակի վրա ինչ է գրված եղել: Գրությունը նախկինում քառալեզու էր` հայերեն, թուրքերեն, քրդերեն եւ անգլերեն, սակայն սադիզմը կրկին իրականավեց միայն հայերենի նկատմամբ: Այս դեպքի առթիվ տեղի ոստիկանությունը հետաքննություն է սկսել, ինչպես թուրքական մամուլն է գրում «անհայտ անձանց» հայտնաբերելու համար: Բայց ինչպես ցույց է տալիս պատմությունը` նման դեպքերում թուրք ոստիկաններն աշխատում են շատ «օպերատիվ»` մի քանի օրում գործը ծածկադմփոց են անում ու մոռանում` թողնելով, որ վանդալները հանգիստ շարունակեն իրենց սեւ գործը:
Հայատառ գրությունը ցուցանակի վրա հայտնվել էր բոլորովին վերջերս` տեղի քաղաքապետի կարգադրությամբ, որն իր ելույթներից մեկում խոստովանել էր, որ քաղաքը նախկինում հայկական բնակավայր է եղել, եւ տեղի հայ բնակչությունը մեծ ավանդ է ունեցել շրջանի կառուցման եւ զարգացման գործում: Նրա խոսքով` քաղաքի կամարին հայերեն գրությունը հարգանքի տուրք է այդ ամենի համար: Թուրք քաղաքապետի խոստովանությունը ժամեր անց  նյարդայնացրել է ոչ միայն իր ազգակիցներին, այլեւ եղբայրակից ադրբեջանցիներին, որոնք Թուրքիայում գործող «Իգդիրի Ադրբեջանի տուն» միություն անվան ներքո ստորագրահավաք են կազմակերպել` ընդդեմ հայատառ ցուցանակի: Ադրբեջանցիները Նախիջեւանում երեւի ոչնչացնելու էլ ոչինչ չունեն եւ որոշել են աջակցել իրենց եղբայրներին: Կամ էլ` նրանք այնպես  են հաստատվել Թուրքիայում եւ այնքան իրավունքներ են ձեռք բերել, որ արդեն տեղի իշխանություններին թելադրում են իրենց կամքը:
Ու այսքանից հետո թող միջազգային կառույցները շարունակեն կազմակերպել սեմինարներ ու պլատֆորմներ, որոնք ոչ մի գրոշի արժեք չունեն, քարոզելով` հարգանքով վերաբերվել այլ ժողովուրդների մշակույթին, բայց ապարդյուն… Նախամարդը մի քանի տարում կարող է քաղաքակրթվել, սակայն թուրքը երբեք չի փոխվի, քանի որ իր նախապապերից նրան փոխանցվել է վայրագությունների գենը, որի դրսեւորումներն ի տարբերություն 20-րդ դարի, որոշ չափով թաքնված բնույթ են ստացել 21-րդ դարում:

Կույտը մշակեց ԶՎԱՐԹ ԽԱՉԱՏՐՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝