«ԳԼԵՆԴԵԼ ՀԻԼԶԻ»-Ի ՂԵԿԱՎԱՐՈՒԹՅՈՒՆԸ ԶԲԱՂՎՈՒՄ Է ՔԱՂԱՔԱՑԻՆԵՐԻՆ ՔՑԵ՞ԼՈՎ
Արխիվ 12-16
«ԳԼԵՆԴԵԼ ՀԻԼԶԻ»-Ի ՂԵԿԱՎԱՐՈՒԹՅՈՒՆԸ ԶԲԱՂՎՈՒՄ Է
ՔԱՂԱՔԱՑԻՆԵՐԻՆ ՔՑԵ՞ԼՈՎ
«Իրավունք» թերթի նախորդ համարում անդրադարձել էինք խմբագրություն դիմած Կապան քաղաքի բնակչուհի, զինվորի մայր Սուսաննա Խաչատրյանի դժգոհություններին: Մեր զրուցակցի վրդովվմունքի հիմնական պատճառը կայանում էր, ինչպես ինքն էր մեզ հետ զրույցում ասել հետեյալում. «Գլենդել Հիլզի» ղեկավարության անպատասխանատու գործողությունների պատճառով ես զրկվել եմ սեփական բնակարան ստանալուց (որի արժեքի կեսից ավելին արդեն մուծված է, մոտ 63 տոկոս) եւ արդեն երեք տարի է` ապրում եմ վարձով: Իսկ «Գլենդել Հիլզի» սեփականատերերն իմ ու իմ նմանների վճարած գումարների հաշվին օր օրի հարստանում են, իսկ մեզ` քաղաքացիներիս, վարպետորեն յոթ տարի էսօր-էգուց անելով` խաբում են»:
Վերոհիշյալ խնդրի վերաբերյալ մենք դեռեւս նախորդ հրպարակմանը անդրադառնալիս պարզաբանումներ էինք խնդրել «Գլենդել Հիլզի» ղեկավարությունից: Որտեղից մամլո խոսնակ Արմինե Ուդումյանը խնդրել էր հարցը գրավոր ուղարկել: Եվ երբ երեկ փորձեցինք հետաքրքրվել մեր գրավոր հարցի ճակատագրով Ա. Ուդումյանից ստացանք հետեւյալ պատասխանը.
- Մենք որոշել ենք որեւէ կերպ չմեկնաբանել, չանդրադառնալ Ձեր հարցերին, կարող եք այդպես էլ գրել, որ «Գլենդել Հիզի» ղեկավարությունը նպատակահարմար չի գտնում պատասխանել այդ հարցին:
Այստեղ են ասել ոչինչ չասող պատասխանն էլ է պատասխան, փաստորեն, չպատասխանելով նրանք մեկանգամ եւս փաստորեն վկայում են, որ «Գլենդել Հիլզը» զբաղվում է քաղաքացիներին խաբելո՞վ:
Դե ինչ, մեր իրականությունում առաջին, բայց հուսանք վերջին դեպքը չէ, որ «Գլենդել Հիլզի» նման կազմակերությունները, մարդկանց գլխի տակ «փափուկ բարձ» դնելով, գումարներ են վերցնում, իսկ թե հետո ինչ կլինի, դա էական չէ:
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
18737 դիտում
2
11180 դիտում
3
1591 դիտում
4
1560 դիտում
5
1492 դիտում
2
17658 դիտում
4
8049 դիտում
5
4110 դիտում
4
8276 դիտում
