«ՍՈՍԵ» ՄԻՋԱԶԳԱՅԻՆ ԿԻՆՈՓԱՌԱՏՈՆԸ ԿՄԵԿՆԱՐԿԻ ԱՅՍՕՐ

«ՍՈՍԵ» ՄԻՋԱԶԳԱՅԻՆ ԿԻՆՈՓԱՌԱՏՈՆԸ

ԿՄԵԿՆԱՐԿԻ ԱՅՍՕՐ

Այսօր «Մոսկվա» կինոթատրոնում կմեկնարիկի «Սոսե» կինոփառատոնը: Արդեն միջազգային դարձած կինոփառատոնն այս տարի կընթանա մինչեւ հոկտեմբերի 24-ը: Այս տարի փառատոնին մասնակցության հայտեր են ուղարկել  74 երկրից , որից ընտրվել եւ փառատոնի օրերին կցուցադրվեն  40 երկրից  98 ֆիլմ, որոնք ըստ կազմակերպիչների համապատասխանում են կինոփառատոնի բովանդակությանն ու կանոնակարգին: Կինոփառատոնում այս տարի ժյուրիի կազմը համալրում են՝ Աշոտ Ադամյան (Հայաստան), Դայանա Անգելսոն (ԱՄՆ), Արթուր Թումասյան (ԱՄՆ), Էնրիկո Ալեքսանդր Ջորդանո (Ֆրանսիա), Արտո Խաչատուրյան (Հայաստան), Սառա Ջոե Վոլանսկի (ԱՄՆ), Գարեգին Գրիգորյան (Հայաստան):

Կինոփառատոնը բացի իր հիմնական մրցութային ծրագրից ունի ևս 2 ծրագիր, որոնք կարող են նաև շրջանցել կնոջ թեման՝ «Հատուկ թեմա» և «Ուսանողական» ծրագրերին։ «Հատուկ թեմա» մրցութային ծրագրի այս տարվա թեման է «Պահպանի՛ր մարդուն», այն նվիրվում է Հայոց Ցեղասպանության 100-րդ տարելիցին, «Ուսանողական» մրցութային ծրագրում մասնակցում են հայ և արտասահմանում ապրող ու ստեղծագործող ուսանողները:

Ֆիլմերի դիտումները տեղի կունենան «Մոսկվա» կինոթատրոնում, Նարեկացի արվեստի միությունում, Գոյ թատրոնում, ԵԹԿՊԻ-ում:

«Սոսե» կինոփառատոնը կրում է Հայոց պատմության վառ  անհատականություններից մեկի՝ Սոսե Մայրիկի անունը: Հայուհի, ով հերոսաբար ապրեց իր կյանքը, թե՛ որպես մայր, թե՛ որպես կին, եւ թե՛ որպես իր ազգի նվիրյալ:

Կինոփառատոնի նպատակն է ներկայացնել կնոջը՝ խոսելով նրա արժանիքների, խնդիրների, նվաճումների, կարողությունների եւ առհասարակ՝ նրա դերակատարման մասին։ Թերեւս սա մի թեմա է, որն անսպառ է բոլոր ժամանակներում:

ԼԻԼԻԹ ԵՂԻԱԶԱՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝