ՄԵԽԱԿ ԱՊՐԵՍՅԱՆ. «2013-14 Թ-ԻՆ ԿՏՐՈՒԿ ԱՃԵԼ Է ՆԵՐԳՆԱ ԶԲՈՍԱՇՐՋԻԿՆԵՐԻ ԹԻՎԸ»
Արխիվ 12-16
ՄԵԽԱԿ ԱՊՐԵՍՅԱՆ. «2013-14 Թ-ԻՆ ԿՏՐՈՒԿ ԱՃԵԼ Է
ՆԵՐԳՆԱ ԶԲՈՍԱՇՐՋԻԿՆԵՐԻ ԹԻՎԸ»
Հայաստանը հին պատմություն ու մշակույթ ունեցող երկիր է, եւ հենց այդ հնությունն է գրավում մեր երկիր այցելող զբոսաշրջիկներին: Բայց արդյոք միայն բավարար է զբոսաշրջիկների մեծ հոսք ունենալու համար, եթե զբոսաշրջության ոլորտում մատուցվող ծառայությունների արժեքն ու որակը միմյանց հաճախ չեն համապատասխանում, որից դժգոհում են թե մեր քաղաքացիները, որոնք նախընտրում են հանգստանալ արտերկրում, թե որոշ զբոսաշրջիկներ: ՀՀ էկոնոմիկայի նախարարության Զբոսաշրջության վարչության պետ Մեխակ Ապրեսյանից «Իրավունքը» պարզեց` ինչպես է պետությունը` այս դեպքում նախարարությունը այս խնդրի լուծումը տեսնում: Ի վերջո, Հայաստանում հաստատված են շուկայական հարաբերություններ, եւ պետությունը իրավասու չէ միջամտելու առեւտրային մասնավոր կառույցների գործունեությանը: «Կարևոր է մեր հանրության ճիշտ իրազեկվածությունը: Ավելի շատ իրազեկված խնդիր կա քան գնային քաղաքականության: Ում հետ ենք համեմատվում, որ ասում եք` մեզ մոտ գները բարձր են: Կասեք, Վրաստանի: Բայց առցանց ամրագրման որեւէ համակարգով, օրինակ, booking.com-ով համեմատենք Վրաստանը Հայաստանի հետ, բայց համեմատենք համեմատելի մեծություններ: Կտեսնենք, որ Հայաստանում գներն ավելի մրցունակ են, քան Վրաստանում»,- ասաց Ապրեսյանը:
Եթե զբոսաշրջության ոլորտում մատուցվող ծառայություններն իրոք մատչելի են, ինչու են մեր քաղաքացիները նախընտրում հարեւան երկրները, օրինակ, Վրաստանը, էկոմոնիկայի նախարարության ներկայացուցչի խոսքով` մարդիկ ուզում են ճանապարհորդել, սիրում են նաեւ ծովային հանգիստ:
Պրն Ապրեսյանը վստահեցնում է` անգամ Սեւանի եւ Բաթումիի նույն ծառայությունները մատուցող հյուրանոցային օբյեկտները եթե համեմատենք, կտեսնենք` մեզ մոտ ավելի մատչելի է:
Պաշտոնյան ուրախությամբ արձանագրեց, որ 2013-14 թ-ին կտրուկ աճել է ներգնա զբոսաշրջիկների թիվը` հասնելով մոտ 30%-ի, ի տարբերություն նախորդ տարիների, երբ ունեցել ենք հինգ տոկոս աճ: «Ներգնա տուրիզմի աճ ակնկալում ենք նաեւ 2015 թ-ին»,- ասաց պրն Ապրեսյանը:
Մեխակ Ապրեսյանը վերջին տարիներին հանգստանում է Հայաստանում, շատ է սիրում Ջերմուկը: Մեր այն պնդմանը, թե Ջերմուկը թանկ հանգստավայր է, հասանելի չէ մեր քաղաքացիների գրպանին, Զբոսաշրջության վարչության պետը չհամաձայնեց: «Ջերմուկում կան տարբեր առաջարկներ, գնային մրցունակություն կա»,- հակադարձեց մեր զրուցակիցը:
Իսկ եթե Ջերմուկում մատուցվող հանգստյան գոտիների գները համեմատենք ստացած աշխատավարձի հետ, Մեխակ Ապրեսյանի խոսքով` դա այլ հարց է:
Ի դեպ, պրն Ապրեսյանը կարծում է, որ Քիմ Քարդաշյանի այցը դրական անդրադարձավ ունեցավ Հայաստանի միջազգային ճանաչելիության վրա:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
18472 դիտում
2
11159 դիտում
3
1574 դիտում
4
1522 դիտում
5
1486 դիտում
2
17649 դիտում
4
8043 դիտում
5
4100 դիտում
4
8276 դիտում
