ԻՆՉ ՆԱՄԱԿ Է ԳՐԵԼ ՈՃՐԱԳՈՐԾԸ ԴԵՊՔԻՑ ԱՌԱՋ ԾՆՈՂՆԵՐԻՆ

ԻՆՉ ՆԱՄԱԿ Է ԳՐԵԼ ՈՃՐԱԳՈՐԾԸ ԴԵՊՔԻՑ ԱՌԱՋ

ԾՆՈՂՆԵՐԻՆ

Հայկական կողմի հոգեբանները և հոգեբույժները եզրակացրել են, որ Վալերի Պերմյակովը ունի խնդիրներ. ըստ եզրակացության՝ նա ինֆանտիլ անձ է, բնավորության պսիխոպաթոնման գծերով և հուզական էմոցիոնալ թերհասությամբ, սակայն փորձագետները գտել են, որ նա մեղսունակ է: Այս մասին լրագրողների հետ  զրույցում ասաց Ավետիսյանների ներկայացուցիչ, փաստաբան Լուսինե Սահակյանը: Փաստաբանի խոսքով.

- Փորձագետները եզրահանգել են, որ Վալերի Պերմյակովին հատուկ են իմպուլսիվություն, կամակորություն, եսակենտրոնություն, իրավիճակային ագրեսիվություն, բռնկվողականություն՝ տագնապային համակցումով, պրիմիտիվություն և ֆանտազյորություն, նաեւ հուզական լարվածության ժամանակ ադապտացիայի դժվարություններ, շտապողականություն՝ դյուրագրգռվածության համակցումով: Հոգեբանները և հոգեբույժները եկել են եզրահանգման, որ հենց այսպիսի հատկանիշներով է պայմանավորված նրա վարքը և այն, ինչ կատարվել է իրականում:

Փաստաբանը նկատեց նաեւ, որ երբ արդեն իսկ հանցագործությունը կատարվել է, և Վալերի Պերմյակովն անազատության մեջ է եղել, նրա մոտ խուզարկությամբ նոթատետր է հայտնաբերվել: Դրանում եղել է նամակ՝ ուղղված իր ծնողներին: «Այնտեղ նա նշում է, որ այն, ինչ կատարվել է, ես չեմ արել, դա արել է իմ միջի մարդը: Նաեւ այնտեղ ինքը մանրամասն նկարագրում է, թե ինքն ինչ իրավիճակում է գտնվում հանցագործությունը կատարելիս։ Նա ասում է, որ մեկ վայրկյանում իմ սիրտը 1000 զարկ էր կատարում և այլն»,- մանրամասնեց փաստաբանը:

ԻԼՈՆԱ ԱԶԱՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝