Թող ասի, որ քաղաքական հայտարարություն եմ արել. Գ. Սահակյանը Լ. Զուրաբյանի՝ Վենետիկի հանձնաժողովի կաշառված լինելու առնչությամբ
Արխիվ 12-16
Թող ասի, որ քաղաքական հայտարարություն եմ արել. Գ. Սահակյանը Լ. Զուրաբյանի՝ Վենետիկի հանձնաժողովի կաշառված լինելու առնչությամբ
Վենետիկի հանձնաժողովի՝ կաշառված լինելու մասին խոսակցություններն անհեթեթ են, անիմաստ. ասել է ԱԺ նախագահ Գալուստ Սահակյանը՝ անդրադառնալով ՀԱԿ խմբակցության ղեկավար Լևոն Զուրաբյանի հայտարարությանը, թե Սահմանադրական բարեփոխումների մասնագիտական հանձնաժողովի նախագահ Գագիկ Հարությունյանն այս ընթացքում զբաղված է եղել միայն Վենետիկի հանձնաժողովը կաշառելու գործով:
«Այս հայտարարության տակ որևէ բան որոնել՝ չարժե: Վենետիկի հանձնաժողովը միակ կառույցն է, որտեղ սահմանադրագետներ են և ամբողջ աշխարհն այդ կառույցից է օգտվում: Վենետիկի հանձնաժողովը կաշառել, հետո ասել՝ բանի տեղ չեն դնում… Այդ կառույցն իջեցնել ԺեԿ-ի մակարդակի՝ բնութագիրն է մի մարդու, ով արտաբերում է նման անհեթեթ խոսակցություններ»,- նշեց Գալուստ Սահակյանը:
ԱԺ նախագահը Լևոն Զուրաբյանին հորդորեց փաստեր ներկայացնել՝ չբացառելով, որ եթե պատգամավորը դրանք չներկայացնի, ապա գուցե ենթարկվի քրեական պատասխանատվության: «Եթե ասում է փաստեր ունի, ուրեմն պետք է ներկայացնի: Եթե ոչ, իհարկե, կարող է քրեական պատասխանատվության ենթարկվել: Իհարկե, ես դրա կողմնակիցը չեմ. մշտապես ասում եմ՝ նման դեպքում ոչնչությունը ինչ կդառնա: Դրա համար պիտի թողնեն հանգիստ»,- նշեց խորհրդարանի խոսնակը:
Հարցին՝ հնարավո՞ր է ԱԺ-ն զրկի Զուրաբյանին պատգամավորական անձեռնմխելիությունից, Գալուստ Սահակյանը պատասխանեց. «Չեմ էլ մտածում այդ մասին: Քրեական գործը պիտի հիմքեր ունենա, մոտեցումները ձևավորվեն: Եթե հիմքեր ունի, պիտի ներկայացնի: Կարդացի, որ ընդդիմադիրներն ասում են, թե դա քաղաքական հայտարարություն է, թող ասի, ես դա քաղաքական հայտարարությունների տեսքով եմ ներկայացրել»:
tert.am
Բաժանորդագրվե՛ք https://t.me/iravunk
1
18453 դիտում
2
11151 դիտում
3
1567 դիտում
4
1522 դիտում
5
1486 դիտում
2
17649 դիտում
4
8043 դիտում
5
4100 դիտում
4
8276 դիտում
